Kallinn og krakkarnir orðnir of þurftafrekir?

Þannig er mál með vexti að kettlingarnir hennar Klöru hafa bara haldið áfram að stækka og stækka.

Nú er svo komið að þeir líta út eins og kisur en ekki loðnir kjúklingar. Svo eru þeir líka farnir að leika sér á milli þess sem þeir sofa og drekka. Þeir kútveltast hver um annan þveran í kassanum og mamma þeirra stendur hjá og gefur frá sér eitthvert hljóð sem ég ímynda mér að eigi að tjá ánægju eða eitthvað álíka. Þetta er ekki mjálm eða hvæs eða breim heldur eitthvað sem mér finnst geta kallast kumr - hvað sem það nú þýðir.

Voða krúttlegt allt saman. En það er farið að fara um mig. Klöru, þessari þriggja kisu mömmu virðist vera farin að leiðast vistin við barnauppeldi og þvotta. Hún situr um hvert tækifæri til að laumast út. Já þetta er háalvarlegt mál! Hvert tilkynnir maður grun um svona vanrækslu á ungviði? Hver á að taka við umönnun hinna vanræktu? Hvað gerist ef ég einn daginn stend mig að því að taka þessi kvikyndi upp og.............

Nei mér líst hreint ekki á blikuna, það segi ég ykkur alveg eins og ég meina það.

En viljið þig ekki fá ykkur eina litla kisulóru á heimilið? Þetta er voða hollt fyrir börn og karlmenn. Og þetta er að vissu leyti hagkvæmt fyrir húsmæður. Það þarf nefnilega ekki að sinna altso kalli og krökkum eins mikið þegar svona lagað er á heimilinu. Það er eins og kisuklapp og knús dragi úr athyglissýki og hvers kyns relli hjá minnimáttar.

Já nei nei það er alveg óþarfi að æsa sig - það er staðreynd að kallar og krakkar eru minnimáttar þegar inn á heimilin er komið - þar rúlum við konur án mikilla undantekninga. Það er vel hægt að leyfa köllum að halda að þeir ráði einhverju en við í pilsunum vitum betur.

Þannig að ef þú ert kona og átt kall og krakka þá hafðu samband og ég skal útvega þér eina litla hjálparhellu.
Það veit sá sem allt veit að ekki veitir af.

Baráttukveðjur

Fía litla

Svo er maður að hafa áhyggjur........

..........af smámunum eins og verðbólgu og barnaníðingum!

Ég sé það núna að það er óþarfi - það er fólk þarna úti sem hefur raunverulegan metnað og áræði til að gera heiminn að betri stað að búa á!

Ásdís Rán í Playboysetrið

Hvað á að gera við barnaníðinga? - Ókeypis sparnaðarráð handa örþrota þjóð

Dæmið alla þá sem finnast sekir um barnaníð í ævilangt fangelsi án möguleika á náðun og vistið á deildum með harðsvíruðustu glæpamönnum á hverjum tíma.

Þetta mun spara útgjöld samfélagsins gríðarlega þegar allt er tekið með og fram líða stundir.

Níðingurinn mun ekki skemma fleiri börn = þetta óeðli verður alltaf til en þessi tiltekna orsakakeðja kynferðisafbrota slitnar með tilheyrandi lækkun á samfélagslegum útgjöldum vegna málarekstrar, meðferðar fórnarlamba og gerenda, fíknimeðferða fórnarlamba og gerenda o.s.frv. o.s.frv.

Annað er að samfangar ku vera miskunarlausir gagnvart barnaníðingum af því að margir afbrotamenn eru einmitt fórnarlömb kynferðisafbrotamanna = fangar fá geðlausn = hugsanlega minni kostnaður við geðhjálp fyrir þá (nú ef ekki þá er þeim það ekki of gott greyunum að hafa einn eða tvo perra til að pynda)

Það græða allir á því að loka þessi skrýmsli inni. Og nóg er af þeim þannig að um meiriháttar ávinning er að ræða.

Hvernig er það líka verjandi að maður á borð við Steingrím Njálsson gangi alltaf laus annað slagið?

Myndir þú vilja bera ábyrgð á því?

Eitt að lokum: horfðu í augun á fólki áður en þú treystir því fyrir börnunum þínum. Ef þú sérð eða finnur eitthvað sem vekur minnsta vafa af einhverjum toga hættu þá við. Þú þarft engum að segja hvað þú skynjaðir eða hvað þú heldur - eða heldur að þú haldir - það varðar engan um það. En láttu innsæið ráða og börnin alltaf njóta vafans.

ÞJÓÐ-kirkja er það málið?

Venjulegur skattgreiðandi greiðir ákveðið gjald til Þjóðkirkjunnar árlega nema að hann hafi skráð sig í annað trúfélag eða utan trúfélaga. Opinbera skýringin á þessu gjaldi er sú að með því sért þú að greiða fyrir vist í garði - heitir kirkjugarðsgjald held ég. Þetta er eitthver skiterí en samt.....

ókei!
Þegar þú svo verður fyrir þeirri ógæfu að einhver á þinum snærum deyr er þessi skattur gleymdur og grafinn. Vissulega fær hinn látni gröf í garði en þú þarft að taka upp veskið og borga fyrir gröftinn. Sjálfsagt er það misjafnt eftir prestum en í sumum tilfellum þarftu svo líka að borga prestinum fyrir að þrugla yfir kistunni. Það gera þeir misvel en það er ekki óalgengt að fólk kvarti yfir því að rangt hafi veri farið með jafnvel grundvallaratriði í lífi þess látna. Þannig eru börn rangt feðruð eða bara ekki talinn með í systkinahópnum og fleira í þessum dúr.

Allir geta gert mistök en mann grunar að ekki sé nógu vandað til verksins þegar maður fer í 2 jarðarfarir hjá sitt hvorum prestinum í röð þar sem svona er staðið að málum. Það grófasta sem man eftir sjálf var þegar presturinn marg fór rangt með nafn hins látna. Fyrr má nú vera helvítis handvömin ef ekki er hægt að hafa það rétt.

En þetta er ekki það sérkennilegasta heldur það að á meðan við tórum þurfum við að greiða prestinum sérstakt gjald persónulega og prívat fyrir hvert verk sem við þiggjum af hans hendi. Skírn, ferming, gifting og svo jarðarförin.

Hvernig stendur á því að hinn almenni borgari þarf að taka upp veskið og borga opinberum starfsmanni aukalega fyrir að mæta í vinnuna?

Af hverju lætur fólk bjóða sér þetta möglunarlaust?

Af hverju rekur ríkið trúfélag?
Skilur það einhver?

Ég spurði einn af frambjóðendum Sjálfstæðisflokksins í Suðurkjördæmi fyrir síðustu Alþingiskosningar hvar hann stæði í sambandi við aðskilnað ríkis og kirkju. Jú sjáðu nú til sagði hann drýgindalega (ég hata karlmenn sem tala við mig eins og ég sé fáviti !!!) Þetta er nú svona eitt af því sem almennt samþykki ríkir um hjá þjóðinni að sé þjónusta sem hið opinbera eigi að bjóða upp á!

Já er það sagði ég þá og gerði mig eins fávitalega og ég gat (fólk fær það sem það biður um)
Og hvenær hefur þjóðinni verið gefið tækifæri til að tjá þá samstilltu skoðun sína?

Ekkert svar auðvitað..........

Og ég er enn að spyrja því ég fæ ekki svör og ég trúi því ekki að vitiborið fólk vilji reka þetta batterí með núverandi fyrirkomulagi.

Ef það verður sannarlega lýðræðisleg niðurstaða þjóðarinnar á einhverjum tímapunkti að ríkið eigi að reka trúfélag fyrir þegnana þá mæli ég með að sú starfsemi verði boðin út. Það reynir þá á köllun klerkanna því sjálfsagt eru þeir ´kölluðustu´ til í að taka verkið að sér fyrir slikk.

Fagráð í kynferðisafbrotamálum INNNA Þjóðkirkjunnar!!!

Ætli þetta sé ekki arfur frá þeirri tíð þegar menn tróðu hvor annan undir við að þagga niður perraskap biskupsins hérna um árið? Hann slapp með skrekkinn helvískur enda landsliðið í þöggun kvenna á bak við hann. Hvað með fagráð Þjóðkirkjunnar í kynferðisbrotamálum UTAN hennar - ætli það sé til???

Það dettur engum í hug að einkavæða þessa bölvuðu peningahít en svo sefur ekki einn einasti nýfrjálshyggjusnati á Íslandi væran blund af áhyggjum yfir því að það kosti að bjóða þegnunum mannsæmandi heilbrigðisþjónustu og veita börnum grunnmenntun.

Myndir þú ráða pípara til að gera við framtennurnar í þér?

Mér virðist það skjóta nokkuð skökku við svona í ljósi þess að íslenska efnahagsundrið hefur sprungið á limminu (eins og reyndar títt er um undrabörn) að sitjandi fjármálaráðherra skuli aldrei sjást eða heyrast.

Ég man ekki eftir að hafa rekist á hann í fjölmiðlum frá því á dögunum þegar hann lét svo lítið að svívirða umboðsmann Alþingis fyrir að voga sér að vinna vinnuna sína.
(Þetta er voða oft svona með fólk sem vinnur ekki vinnuna sína - það reynir að sverta þá sem gera það í von um að ekki komist upp um eigin vanhæfni)

Er reyndar ekki frá því að á dögunum hafi ég séð mynd af honum efst til hægri á hægri væng opnunnar í Mogganum.

Ætli það hafi verið dánartilkynning? Ætli hann sé dáinn og ég hafi bara misst af því?

Nei ég veit það ekki - kannski er bara búið að banna honum að tala opinberlega um fjármál af því ða hann hefur ekki hundsvit á slíku og sérfræðingarnir í ráðuneytinu (sem auðvitað vinna verkin en ekki Dagfinnur) mega bara ekki við því að hann fari að þrugla einhverja steypu opinberlega ofan í allt saman.

Hvað ætli ráðamenn þeirra ríkja sem við mígum utan í núna í vandræðum okkar í efnahagsmálum haldi?
Fjármálaráðherrann er dýralæknir með sérnám í fiskisjúkdómum og Seðlabankastjórinn er með eldgamalt lögfæðipróf úr grunnnámi. Ég veit vel að þessir menn hafa sérfræðinga, en hvernig haldiði að þetta líti út þegar við bönkum upp á grenjandi að biðja um back-up í erlendum seðlabönkum vegna slæmrar stöðu heima hjá okkur?

Þetta er algerlega óverjandi fyrirkomulag!

Hey - góð hugmynd!

Sko ég er að spá - þið kannist við afsakanir nemenda á borð við: hundurinn minn át rit gerðina! Eða: Amma er búin ða vera alveg fárveik á spítala og.....

Soldið kannski búið að ganga sér til húðar en hvernig væri að segjast vera andsetinn???

Sko - afsakaðu herra kennari en ég er bara búin að vera svo hrikalega andsetin í tvær vikur að ég get því miður ekki skilað ritgerðinni núna!

Eða það sem betra er: Mér þykir það leitt herra kennari en dóttir mín er bara búin að vera svo hrikalega andsetin að undanförnu......................

Biðin á enda?

Er Messías kannski bara banki en ekki manneskja?

Getur verið að KB banki sé hinn nýi Messías og að við séum bara svo miklir helvítis fávitar að við föttum það ekki?

Litli Íslendingurinn - einþáttungur í a-moll (grátist hljóðlega)

Mér finnst eins og allt sé á móti mér og engum þyki vænt um mig og allt sé að bresta og enginn viti af því og jólin séu búin og sólin sé að klárast og olían líka og að allt sé miklu betra í útlöndum og enginn nenni að gera neitt og enginn skilji mig og enginn vilji segja mér af hverju þetta er svona og samt viti það allir og allir viti líka að allt eigi eftir að breytast og ég verði ekki látin vita af því og ég muni bara missa af og vera alein eftir og svo komi bara allt í einu hrafnar og kroppi í mig og Hekla fari að gjósa og Vatnajökull bráðni og...........................................

Það var lagið!

Ja nú líkar mér lífið!

Local-blöðin mín bara með ánægjulegar og uppbyggjandi fréttir frá Hveragerði. Ferðaskrifstofan Fylkir flutt í bæinn og er hér með boðin velkomin. það er þessi sem er svo frábært að bóka frí í Danmörku í gegnum meðal annars.

Annars er glöggt gestsaugað því Fylkir tók eftir því við komuna að bæinn vantar sárlega miðbæ og að póstjónustan er einkennilega innréttuð svo ekki sé meira sagt.

Hvernig er það annars þið þarna úti. Auglýsir ekki pósturinn: alla leið heim? Við þurfum alltaf að sækja allan póst á afgreiðsluna í Sunnumörk en ég skal sveia mér upp á ef sendandinn er ekki búinn að borga fyrir hann heim að tröppum. Ég bara fer í þetta mál eftir prófin.

Ha´det bra
Fía litla