Það þýðir ekkert að horfa í hina áttina!

Hátt í 300 fjölskyldur leituðu til Fjölskylduhjálpar Íslands í gær !
Nú verða stjórnvöld að sækja peningana þangað sem þá er að finna.

Það er ekki endalaust hægt að fara í buddur millitekjufólksins í þessu landi. Vaxtabæturnar eru löngu horfnar frá þeim hópi, barnabæturnar líka. Jaðarskattar hafa aukist í stjórnartíð Sjálfstæðisflokksins.
Það er ekki mikið afgangs hjá millistéttinni lengur.
Nú þarf að sækja annað.

Hátekjuskatt - núna!
Frystingu eigna bankadólganna, alvöru rannsókn á meintum auðgunarbrotum þeirra og upptöku illa fenginna eigna í kjölfarið - núna!

xxx
Fía litla

E.S. Hvort treystir þú vinstri eða hægri stjórn betur til þess að fara í aðgerðir eins og þær sem hér eru lagðar til ???

Út með ruslið!

Alveg er ég stórglöð með þessa sitjandi ríkisstjórn okkar.

Ekki einasta ætlar hún að gera alvöru úr því að koma böndum á glæpahyskið sem setti Ísland á hausinn heldur er hún líka farin að spyrja spurninga á borð við: Er sjálfsagt að nýfætt barn sé skráð sjálfkrafa í trúfélag móður?

Þetta eru sko engir fávitar.
Þetta er alvöru hugsandi fólk.
Fólk sem lætur ekki ,,af því bara,, skýringar nægja.
Takk fyrir það!

Við eigum okkur von ef okkur tekst að halda frjálshyggjunni utanborðs nógu lengi til þess að við sjáum til botns í spillingarfeninu sem Sjálfstæðisflokkurinn með fulltingi hjákonu sinnar, Framsóknar hefur leitt okkur út í undanfarna áratugi.

Nú tökum við til!
xxx
Fía litla

Hægt að nýta sambönd Joly

Hvað ætlar þú að verða væni, þegar þú ert orðinn stór?

Vitiði, sum okkar þurfa bara ekkert að vera að hafa áhyggjur af svona lúxusvandamálum - því við verðum andskotinn hafi það aldrei stór!

Hvernig haldiði að það sé að hafa svo stutta lærleggi að það er alveg sama hvar manni er boðið sæti, maður nær aldrei með bakið aftur í setuna?

Já mikið rétt, það er andstyggilega óþægilegt!
Þess vegna situr maður líka alltaf á brúninni einhvern veginn eins og pinnstífur uppskafningur í eilífri baráttu við að halda bakinu beinu.
Nú eða þá að maður krossleggur undir sig lappirnar, báðar eða aðra í senn.
Haldiði að mann langi alltaf að sitja tl dæmis í hálflotus eða lotus?
Nei nei - það er bara skárri kostur en að vera að drepast í hryggnum eða með krampa í litlu stúfunum sem dingla fram af stólbrúninni.

Djöfulsins fokking óréttlæti !!!!!!!!!!

xxx
Fía litla

Viðstöðulaust frekjukast Sjálfstæðismanna í þinginu.

Alveg er það stórbrotið að fylgjast með Sjálfstæðismönnum fara mikinn í ræðustól Alþingis þessa dagana vegna meints skorts á aðgerðum til að bjarga heimilunum í landinu.

Alveg frá því að ég man eftir mér var helsta forvígismál þessa flokks að standa vörð um hagsmuni atvinnurekenda. Hvers kyns smákóngar eins og heildsalar og fasteignasalar voru í sérstöku uppáhaldi við hlið stórútgerðamanna á landsbyggðinni.

Svo með tímanum og breyttri heimsmynd færðist áherslan á fjárfesta og stór-fjármagnseigendur hvers konar.

það sprenghlægilegasta af þessum skrípaleik öllum saman er að allar götur frá því að ég fór að fylgjast með hefur söngurinn um mikilvægi einstaklingsfrelsisins hljómað hátt og snjallt hvar sem þessi hjörð hefur farið.
Frelsi einstaklingsins til athafna er hið eina sanna takmark að þeirra sögn.
Því ríkari sem einstaklingurinn er því frjálsari skal hann vera.
Það er mergurinn málsins og hefur alltaf verið.

Mýmargir Sjálfstæðismenn vilja til dæmis að fólki sé heimilt að borga sig framar í raðir þeirra sem bíða eftir læknisþjónustu hvers konar og aðgerðum á sjúkrastofnunum landsins. Það stendur víst til af hálfu Sjálfstæðisflokksins að einkavæða heilbrigðiþjónustuna í landinu.
Allar yfirlýsingar um annað er helvítis lýgi.

Hversu frjálsir verðum við einstaklingarnir þá og hversu frjáls erum við núna eftir nær 20 ára samfellda stjórnartíð Sjálfstæðisflokksins?

Síðast þegar ég gáði erum við almennir Íslendingar ófrjálsari en nokkurn tíma nú í augnablikinu.
Og það verða börnin okkar líka.
Ekki kaupa þau sér til dæmis íbúð alveg næstunni.
Nei þau munu vera bundin yfir okkur foreldrunum eins og við munum vera bundin yfir því að halda þeim heimili.
Það er að segja þau okkar sem munum eiga því láni að fagna að eiga eitthvert heimili yfirleitt.

Mér býður við málflutningi Sjálfstæðismanna í þinginu þessa dagana.
xxx
Fía litla

Farvel!

Ég fagna þeirri ákvörðun Ingibjargar Sólrúnar að vikja af pólitíska sviðinu.
Helst þá vegna þess að veikt fólk á að vera í veikindafríi þar til því er batnað.

Þó ekki síður vegna þess að ég tel að ástarsamband hennar við Sjálfstæðisflokkinn hafi valdið meiri skaða en við kannski áttum okkur á. Það er nú einu sinni þannig að mörg konan hefur farið flatt á misráðnu hjásofelsi. Kallinn stendur hins vegar jafnan upp frá hvílunni heill og óskaddaður.

Þessi hvílubrögð ollu skjálfta á vinstri væng íslenskra stjórnmála á sínum tíma og gera enn.
Mestur skaðinn er sá að þessi gerningur veikti trúverðugleika þeirra einstöku stjónrmálamanna Samfylkingarinnar sem lögðu blessun sína yfir sambandið. Breið samstaða á félagshyggjusviðinu er síður framkallanleg eftir þetta feilspor Ingibjargar Sólrúnar.
Í bili að minnsta kosti.
Ég meina hver treystir fólki sem sefur hjá óvininum fyrir bland í poka?
Ekki ég, svo mikið er víst!

Nú vona ég að konan jafni sig á veikindum sínum fljótt og vel eins og ég vona að við sem eftir sitjum berum gæfu til að græða sárin í sameiningu.

Hver í sínu rúmi, það fer best á því
xxx
Fía litla

Til hamingju .......

.....með daginn konur!

xxx
Fía litla

Minn maður!

Enda hvernig er hægt að réttlæta það að ráðherrar fái greidda dagpeninga fyrir maka sína á ferðalögum erlendis.
Ef þetta fólk er svona aðframkomið held ég það geti keypt sér greiðann í útlandinu eins og hver annar túristi.

Áfram svona!
xxx
Fía litla

Steingrímur sker í dagpeninga

Tóm hamingja!

Einmitt, og liggur þá ekki bara beinast við að kjósa Sjálfstæðisflokkinn næst svo Engeyjar-prinsinn geti fljótt og örugglega orðið næsti forsætisráðherra Íslendinga.

það held ég...
xxx
Fía litla

Hrunin frjálshyggjutilraun

Ekki vera að hugsa um jafnrétti og launamun kynjanna. Komdu heldur og lærðu hvernig púðra skal nef samhliða því að velja rétt undirföt.

Mér skilst það séu kosningar í vændum.
Finnst það reyndar augljóst þegar ég nenni að fylgjast með Alþingisfundum.

Getur samt varla verið eiginlega.
Ég hef ekki fengið neitt boð á konukvöld hjá Sjálfstæðisflokknum.

xxx
Fía litla

En hvað þú ert mikið kjánaprik Fía litla!

Fór í búðir í dag.
Það eru tíðindi.

það er allt orðið alveg geðveikislega dýrt og ég hef stækkað um eitt fatanúmer.
Getiði hvort fer meira í skapið á mér.

Hvernig má það vera að á meðan allir söfnuðu glingri og gulli í góðærinu skuli mér hafa dottið í hug að safna 5 kílóum af Soffíu til viðbótar?

Nema hvað, það er alltaf eitthvað skemmtilegt í hvaða skítaástandi sem er.
Haldiði að dressfaktoríur Evrópu og USA hafi ekki bara verið við öllu búnar og verið búnar að senda til Íslands heilu gámana af sparigöllum úr spandexi. Og meira að segja úbersmörtu spandexi!
Þvílík og önnur eins skemmtilegheit.

Var farin að halda að ég væri Öskubuska og að álfadísin væri að gleyma mér eitthvað.
Smá misskilningur.
Öskubuskur yfir kjörþyngd fá ekki álfadísir heldur Dr. Gillian í heimsókn á ögurstundu.

Silly me
xxx
Fía litla