Biðjum fyrir Davíð!

Finnst ykkur ekki grátlegt að horfa á útgöngu Davíðs Oddsonar úr samfélagi siðaðra manna?

Ég meina það alveg eins og ég segi það - þetta er sorglegt!
Hugsið ykkur mann sem var ástsæll leiðtogi , virtur langt út fyrir raðir síns flokks. Þótti hnyttinn og skemmtilegur á mannamótum, skáldlegur og aðsópsmikill karakter.

Hvernig ætli það sé að fara úr þessari stöðu og niður í það að vera álitinn geðsjúkur klikkhaus, elliær frekjudallur og bitur gærdagspóstur?

Það hlýtur að vera skelfileg tilfinning.
Ég finn til með kallinum.
Ég ætla að minnast hans í bænum mínum.

Og nei, ég er ekki að reyna að vera fyndin!
xxx
Fía litla

Athugasemdir

[Offari, 31.3.2009 kl. 10:24]

Mér finnst sorglegt hvernig farið er með manninn. Ég er einn af þeim sem tel manninn saklausann. En alltaf skal snúið út úr öllu sem maðurinn gerði og túlkað sem að hann hafi stuðlað að þessu hruni.

Hann reyndi að berjast á móti þeirr spillingu sem var í gangi en varð ekkert ágengt þar sem fjölmiðlar höfðu það einfaldlega á stefnuskrá sinni að taka ekki mark á hans orðum.

Ég efast ekki um að útrásarvíkingarnir séu mannlegar verur en þó hefði ég frekar vilja hlífa Davið en þeim við þeim svívirðingum sem menn nú þurfa að sæta.  Þetta eru allt mannverur og aðkastið hjálpar ekkert við að takast á við vandann en fer ill með það fólk sem í því lendir.

Sýnum aðgát í nærveru sálar.