Sælar elskurnar mínar!

Vitiði, það er bara búið að vera alveg arfavitlaust að gera hjá mér í að svara kommentum undanfarinn sólarhring út af þessu með mannlífið í Hveragerði og allir bara æstir í að setja í þetta pening.
Gaman að þessu.

Ég var svo þrekuð eftir þetta puð að ég ákvað bara að mæta klukkutíma fyrr í vinnuna og fara út með skærin. Já, sko - að fara út með skærin þýðir að labba um bæinn með blá föndurskæri og leita að huggulegu illgresi í vasana í Listasafni Árnesinga.

Það gekk fínt. Hitti líka Hannes og Sibbu, Sibbu Söru, Guðrúnu Eiríku, Lindu og Lindu-mömmu.
Fann svo fimm föngulegar og frambærilegar tegundir af passlega útsprungnu illgresi í þremur litatónum. Haldiði að það verði ekki bara smart?
Endilega komið og kíkið á það - opið til 6 - og svo er líka myndlist, þið vitið, enda listasafn og allt það. Ekki vera feimin. Koma svo!

Sjáumst
xxx
Fía litla

Athugasemdir

[Hulda Bergrós Stefánsdóttir, 20.6.2008 kl. 15:41]

Ég sé vegna anna þinna að ekki veitir þér af ritara til að svara ÖLLUM athugasemdunum, en lottó á laugardag og ég með

Góða helgi Fía mín og fjölskylda

[Soffía Valdimarsdóttir, 20.6.2008 kl. 15:44]

Sömuleiðis mín kæra og segðu kallinum að keyra varlega - eða taktu af honum lyklana!

[Hulda Bergrós Stefánsdóttir, 20.6.2008 kl. 16:03]

Það skal ég gera !