Langfredag......

eða föstudagurinn langi á okkar ástkæra ylhýra kallast dagurinn í dag.

Í suðurálfu dúlla menn sér við að láta krossfesta sig í tilefni dagsins. Ég les aftur lærðar greinar um Norræna trú og leita eftir rökum um það hvort Óðinn hafi verið æðstur guða á Íslandi fyrir Kristnitökuna eða ekki.
Þór var held ég okkar maður langt umfram Óðinn en það er önnur saga sem verður ekki sögð hér.

Hins vegar er ég að reyna að vera líka almennileg mamma og eiginkona á þessum helga degi.
Í því skyni hef ég bakað brauð og kökur og bíð nú eftir liðinu úr Bláfjöllum.
Mig vantar bara svuntuna og varalitinn til að vera tilhlýðileg húsmóðir.

Maður getur nú ekki allt í einu kannski,
en ég reyni..........
xxx
Fía litla

Hvar er varaformaðurinn?

Það heyrist ekki múkk í Þorgerði Katrínu í tengslum við þennan subbuskap.

Einhver ykkar muna kannski að ég fullyrti daginn áður en hún hlaut rúmlega 80% kosningu í varaformanninn að hún væri á leiðinni út í kuldann.
Sumum fannst sú fullyrðing fáránleg í ljósi fylgis hennar innan flokksins í þetta mikla embætti.

Það hvarflaði aldrei að mér að hún fengi ekki gott gengi. Hins vegar er hún á leiðinni út frekar fyrr en seinna.
Ég er viss um það. Hvort það verður fljótlega veit ég ekki en mitt pólitíka nef þefar nú uppi ástæðuna fyrir því að ekkert heyrist í konunni núna. Hún mun á endanum snúa af þessari braut - tja nema Flokkurinn umpólist!
Hvort hún fer alfarin burt af vettvangi stjórnmálanna þori ég ekki að fullyrða en mér finnst það þó mjög trúlegt.
En hún er á leið út úr klíkunni - það er augljóst.

Þorgerði Katrínu er líkast til misboðið, jafnvel allri lokið yfir núverandi stöðu.

Ástæðan fyrir því að hún hlaut þessa góðu kosningu um daginn er einföld.
Flokkurinn ætlar stuttbuxna-erfingjanum úr Garðabænum að taka við innviðum Flokksins.
En hann er ungur að árum og slíkt virkar ekki sérlega traustvekjandi í Mafíu-samfélögum.
Þess vegan er almenn samstaða um að setja móðurímynd þétt upp að hliðinni á honum svona til halds og trausts.

Málið er að hinn almenni Sjálfstæðismaður er svo heimskur að hann gleypir bara táknin og uppstillingarnar í strúktúr Flokksins en skilur ekki og lætur sig engu varða hvað er á seyði.
Þorgerður Katrín er hins vegar enginn vitleysingur - þess vegna þvær hún hendur sínar af þessum sóðaskap og lætur ekki sjá sig.

xxx
Fía litla

Guðlaugur Þór: Ég óskaði ekki eftir styrk

Ég reisi ykkur níðstöng!

Þú ert ekkert að skafa utan af því! Sagði vinkona mín við mig í gærkvöldi eftir að hafa lesið bloggið mitt. Hún er ein af þeim sem kommentar aldrei þið skiljið - það gæti mögulega einhver verið ósammála henni nú eða hlegið að henni :)

Nei það er nóg af helvítis flauels´kjöftum í þessu landi, svaraði ég.

Hvers vegna ætti ég að tóna niður reiði mína þegar á mér og mínum er brotið síendurtekið og án iðrunar?
Það er ekkert launungarmál að þessi fjandans flokkur hefur verið valdamesti aðilinn í íslensku samfélagi um langt skeið.
Og hvernig er staðan?
Hvernig hefur fólk það í augnablikinu?
Hverjar eru framtíðarhorfur unga fólksins okkar í náinni framtíð í þessu landi?

Staðan er slæm, fólk hefur það skítt og horfur á atvinnu- og húsnæðismarkaði fyrir börnin okkar eru verulega slæmar.

Er óeðlilegt að fólk líti meðal annars og kannski ekki síst til Sjálfstæðisflokksins í þessu sambandi?
Er óeðlilegt að finna til gremju í garð Framsóknarflokksins sem hefur verið hóra Sjálfstæðisflokksins allt frá því að bændastéttin missti vægi sitt í valdastrúktúr íslensks samfélags?

Er eitthvað skrítið við það að ég sótbölvi því fólki sem einkavinavæddi bankana?
Er eitthvað skrítið að ég hugsi því fólki þeigjandi þörfina sem gaf útvöldum vinum sínum auðlindir Íslands sem þá um leið voru teknar frá munni barna minna?
Er eitthvað skrítið við það að ég formæli flokkunum sem setti mig og mína á lista yfir hinar viljugu þjóðir?

Nei, það er fullkomlega eðlilegt!

Ég reisi þessu hyski hér táknæna níðstöng!
Ég skorða trausta stöng í íslenskri foldu,
festi á hana blóði drifinn haus af skjóttri meri og læt kjaftinn vísa í átt til Valhallar.
Ég óska ykkur hér með ergi, æðis og óþols allt þar til þið hafið séð villu ykkar og beðið þjóðina afsökunar á ofríki ykkar og græðgi.

xxx
Fía litla

Ég er ekki fífl!

Nei ég er ekki fífl og það er íslenska þjóðin ekki heldur.
(þ.e.a.s. þau rúmu 70% sem kokgleypa ekki hlevítis hroðbjóðinn sem Sjálfstæðisflokkurinn kýs að bjóða henni upp nú sem endranær).

Hvernig vogar þessi forhertasta glæpaklíka landsins sér að tala niður til fólks með þessum hætti?
Að halda því fram að enginn hafi vitað af þessum styrk nema Geir nokkur ekki svo harður, er eins og að hálshöggva barn fyrir framan foreldri þess - og skíta í strjúpann.

Djöfulsins ómenni og aumingjar - þið kunnið ekki að skammast ykkar..............

xxx
Fía litla

Geir segist bera ábyrgðina

Mér býður við Sjálfstæðisflokknum!

Þetta mál vitnar um nákvæmlega það sem ég hef alltaf sagt: Sjálfstæðisflokkurinn er mafía!

Sjálfstæðisflokkurinn er stofnun fárra valdagráðugra gjörspilltra auðmanna á Íslandi.
Þess vegna fór svona svakalega um þá kóna þegar Baugsveldið hóf sig til auðs og valda í landinu á sínum tíma.
Það teygði anga sína inn í þeirra eigin blokk.
Það tók spón úr aski forréttindasnatanna í Sjálfstæðisflokknum.
Það þótti þeim Sjálfstæðismönnum full langt gengið að eitthvað vinstrapakk væri að seilast upp að háborðinu í þeirra partýi.

Það hlægilega er að það er fullt af verkakonum, ruslaköllum og skrifstofublókum út um allt land sem telur hag sínum best borgið undir væng þessa skrýmslis sem Sjálfstæðisflokkurinn er,
Staðreyndin er hins vegar sú að flokkurinn sá stendur fyrst og fremst vörð um hagsmuni fjármagnseigenda og það hefur hann alltaf gert.

Það getur vel verið að innan hans séu bláeygar húsmæður með lagninu frá því í síðustu viku að funda um það hvernig helst megi metta munna fátækra Íslendinga í næstu viku.

það breytir þó ekki því að Sjálfstæðisflokkurinn er og verður klíka auðmanna - hagsmunabandalag miðaldra, roskinna kristinna karlmanna sem telja sig og sína rétthárri en flesta aðra. Samlíkingin við mafíuna er augljós.

Viðbrögð formanns sjálfsstæðisflokksins við þessu máli eru forkastanleg og lýsandi fyrir þetta glæpahyski og þeirra siðferðisvitund.
Þau segja sem svo: Tja fyrst það þurfti endilega að komast upp um okkur þá bara skilum við peningunum - þið fyrirgefið okkur svo bara, ha - er það ekki bara?

Bjarni Benediktsson veldur mér gríðarlegum vonbrigðum svo ekki sé meira sagt.
En hvernig má annað vera?

Hvernig á maður sem veit það þegar hann leggst á koddann á kvöldin, að þótt svo að allt brenni hér til kaldra kola sem brunnið getur þá muni honum og hans fólki vera borgið í orðsins fyllstu merkingu, að geta verið málsvari brostinna heimila í fjárhagslegri rúst?

Hvernig á slíkur maður að geta lifað og skynjað sjálfsbjargarviðleytni og ástríðu hins hungraða manns?

Svarið er einfalt.
Hann getur ekki brunnið af sama þrótti og sá sem hefur ekkert, á ekkert og hefur enga von um björgun. Hann getur ekki skynjað ástandið og brugðist við með sama hætti og foreldrar sem ekki geta veitt börnum sínum húsaskjól hvað þá munað á borð við tómstundaiðkun.

Þennan stuttbuxna-erfðaprins úr Garðabænum hefur Sjálfstæðismafían valið til þess að tala í kringum hlutina og beina athygli fólksins frá því sem er raunverulega að gerast bak við tjöldin. Á meðan hjálpa mafíósarnir hvor öðrum sem best þeir mega að koma undan fjármunum og öðrum eignum.

Ég hafna þessari mafíu!
Ég hafna þeirra aðferðafræði!

Ég krefst réttlætis og laga í þessu landi sem vernda hagsmuni vinnandi fólks gegn glæpahundum og guðfeðrum Sjálfstæðiflokksins.

Ég mun kjósa VG í vor - skora á þig að gera það líka
xxx
Fía litla

Skilað til lögaðila

Farin í fermingarveislu

Ef ég verð ekki búin að blogga á þriðjudagsmorgun þá vinsamlega sendið af stað leitarflokk.
Ég verð þá annað hvort dáin úr ofáti eða leiðindum

xxx
Fía litla

Nú vorar úti og inni

Í dag er svona taka-til-í-garðinum-veður hérna hjá okkur fyrir austan fjall að minnsta kosti.

Ég hins vegar hyggst glíma við að gáta og hugsanlega betrumbæta upplýsingar um ævintýrin: Sagan af skyrpokalat, Sagan af Slægðabelg, Sagan af þúfukerlingunni, Sagan af miðþurrkumanninum og Sagan af Loðinkópi Strútssyni.
Dr. Aðalheiður Guðmundsdóttir fæst við að skrásetja öll íslensku ævintýrin í aðgengilegu kerfi til afnota fyrir síðari tíma rannsóknir á íslenskri þjóðmenningu. Við nemendur hennar erum að hjálpa til við verkið.
Þetta er svo sem ekki spennandi vinna í sjálfu sér en tilgangurinn er góður og ég hugga mig við það í vorsólinni að ég sé að gera gagn.

Ef ég hefði ekkert að gera væri ég hins vegar úti að moka eða klippa.

Svo langar mig líka svakalega að slá þessu upp í kæruleysi og bjóða bara góðum vinum í mat í kvöld.
Er ekki alveg búin að gefa það frá mér......

Annars vildi ég það helst sagt hafa með þessari vorfærslu, að mér finnst eins og nú muni kannski bráðum rofa til í þjóðar-sálartetrinu. Hnattstaðan og menninging gerir það að verkum að við erum sérstaklega þakklát og fegin vorinu í hvert skipti sem það kemur til okkar hér á Fróni. Við höfum tilhneigingu til að fyllast von og gleði á vorin.

Fréttir af Lóunni, lifnandi fasteignamarkaði og kosningum sýnast mér heldur lyfta brúnum manna heldur er hitt. Minn ektamaður sem er byggingarverktaki segist skynja það í kringum sig að heldur sé að rofa til en hitt. Það sé núna alveg síðustu daga að færast líf í ýmsar byggingar á ólíkum framkvæmdastigum í kringum þá á vinnusvæðunum þar sem þeir eru með verk.

Eníveis - er farin að grúska
Bið að heilsa Lóunni
xxx
Fía litla

Enga gamlingja hér!

Þannig er að ég hef í einhver 10-11 ár fengið tölvupóst sem er ætlaður nöfnu minni í allt öðru bæjarfélagi.

En af því að Ísland er lítið land þá vildi svo til að ég þekkti örlítið til konunnar og gat með lagni og yfirlegu komist að því hvert hennar raunverulega netfang var og er. Svo sendi ég henni póst og sagði henni frá þessum ruglingi.

Nú nú, áframsendu mér bara það sem þér sýnist eitthvað merkilegt!
Já ekkert mál sagði ég eins og hlýðnar litlar konur gera jafnan.
Svo er ekkert með það að ég sendi henni reglulega mikilvægar fundargerðir og svona eitt og annað sem mér sýnist ábúðarfullt mikilvægt stöff.
Hins vegar er ég ekkert að stressa mig yfir póstinum frá Eddu-bókaklúbbi um klobbasnyrtigræjur og þannig lagað drasl.

Konan ætlaði á sínum tíma að láta viðeigandi aðila alltaf vita jafnóðum að þeir væru að senda á vitlaust póstfang. En það hefur nú ekki gengið betur en þetta.
Æ hún er örugglega bara hundþreytt og úttauguð ungamamma sem frestar þessu dag frá degi og allt inn í eilífðina.

Nema hvað að fæ ég ekki í dag þennan líka huggulega póstu þar sem nafna mín er boðin í krafti félagasamtaka sem hún tilheyrir á opnunarhátíð nýs íþróttamannvirkis á höfuðborgarsvæðinu. Nefnilega félagi eldri borgara !

Nooh! Það er bara svona!
Þetta er þá bara gömul skrugga án krakkaskrípa og svoleiðis löngu hætt að vinna örugglega og ég veit ekki hvaðog hvað. Hún sem sagt bara fílar að hafa mig sem ruslapóst-síu fyrir sig. Kannski alltaf langað að vera very important person og hafa ritara og þannig.

Ég nenni samt ekkert að vera að æsa mig yfir þessu.
Fyndið að fylgjast með hvernig sú gamla sendir boðsaðilanum puttann í e-mail sendingum þeirra á milli (sem fara í gegnum mig skiljiði) þar sem gamla fólkið í þessum tiltekna bæ fær ekki inni í þessu nýja íþróttahúsi né því gamla. Hún lætur hann svoleiðis heyra það.

Ég skemmti mér konunglega og ákvað að deila þessu með ykkur enda ekki verið beðin fyrir þagnmælsku í þessu sambandi og þigg ekki laun fyrir áðurnefnd ritarastörf.

Fyndnar svona gamlar kerlur - ég ætla að verða svona!
xxx
Fía litla

Einn fyrir háttinn!

Nú fer ég í háttinn vitandi hreinlega ekki hver ég er eða hvaðan ég er að koma - nú eða hvort ég á afturkvæmt og þá hvert skuli halda !

Mér hefur nefnilega nýlega verið tjáð að ég sé:

geðveikur dýrahatari frá helvíti og mannviðbjóður,
hræsnari,
fífl,
smekklaus,
ófær um að eiga börn og ´mannverur´,
upptekin af eigin rassgati (nokkuð til í því !),

óþroskuð,
ófyndin,
óskýr,
illa upp alin,

Reynt hefur verið að koma mér í skilning um hvernig ritmál nær ekki að fanga húmorískar víddir talmálsins og ekki má gleyma þeirri ábendingu að heimurinn sé betri án mín!

Hér gætir vissulega ýmissa góðgrasa en dauðaósk mér til handa toppar þó held ég sátuna.

Góða nótt fallega fólk
xxx
Fía litla

Óttalegt tilfinningaklám er þetta!

Óléttur köttur eða ekki óléttur köttur - þetta er allt saman viðbjóður!

Kattarandskotinn á mínu heimili hafði boðið (ó)vini sínum í partý í gær sem endaði í slagsmálum.
Þegar við komum heim voru hárflókar og skinntutlur úr gráum ketti út um allt hús auk þess sem kattaskítur fannst á 3 stöðum þegar betur var að gáð.

Auk þess höfðu þessi helvítis óbermi tætt niður eina blómið sem hefur lifað af nábýli við mig og mína grænu fingur. Nú lá þessi harðgera planta yfirbuguð út um allt gólf, borð og bekki í eldhúsinu.

Er búin að komast að því hvernig ég get drepið köttinn án þess að upp um mig komist.
Þori ekki að láta verða af því......
xxx
Fía litla

Greiddi lausnargjald fyrir kött