Langfredag......

eða föstudagurinn langi á okkar ástkæra ylhýra kallast dagurinn í dag.

Í suðurálfu dúlla menn sér við að láta krossfesta sig í tilefni dagsins. Ég les aftur lærðar greinar um Norræna trú og leita eftir rökum um það hvort Óðinn hafi verið æðstur guða á Íslandi fyrir Kristnitökuna eða ekki.
Þór var held ég okkar maður langt umfram Óðinn en það er önnur saga sem verður ekki sögð hér.

Hins vegar er ég að reyna að vera líka almennileg mamma og eiginkona á þessum helga degi.
Í því skyni hef ég bakað brauð og kökur og bíð nú eftir liðinu úr Bláfjöllum.
Mig vantar bara svuntuna og varalitinn til að vera tilhlýðileg húsmóðir.

Maður getur nú ekki allt í einu kannski,
en ég reyni..........
xxx
Fía litla

Athugasemdir

[Rut Sumarliðadóttir, 11.4.2009 kl. 12:59]

Superwoman! Löngu hætt að reyna þetta en börnin mín eru líka uppkomin, nú er ég bara löt sófakartafla og bara góð sem slík.

[Hulda Bergrós Stefánsdóttir, 11.4.2009 kl. 23:35]

takk fyrir mig, þetta var einstakt

svo ég tali nú ekki um HUSMÓÐIR sem lætur páskaeggin bráðna í sólinni

[Soffía Valdimarsdóttir, 12.4.2009 kl. 12:10]

Já ég er engin húsmóðir og hef svo sem ekki mikið reynt að halda því fram - en þetta slapp fyrir horn með eggin, takk fyrir það.

Ég ætla að verða sófakartafla eins og Rut þegar ég verð stór!