Nákvæmlega!

Jólin standast ekki sumrinu snúning. Hverjum er ekki drullusama um 3 daga frí í skítakulda bíðandi eftir VISA-timburmönnum og enn einu megrunarátakinu? Mætti ég þá heldur biðja um sumarfrí í næturlausu algleymi uppi á Íslandi.

Stjúpur og grillilmur og ísbíltúrar og hvítvín og humar og sláttuvélasinfó og eitthvað nýtt á prjónunum í sumarbústaðnum - þetta er lífið.

Íslensku jólasveinarnir eru löngu dauðir og þessi ameríski er fluttur. Kapitalisminn flutti hann hreppaflutningum. Nýtt heimili hans er Verslunarmiðstöðin þín og mín stjarna allra barna. Á meðan er Jesús gleymdur og grafinn eins og lærið sem varð eftir holunni í brúðkaupinu hérna um árið þegar veislugestir voru orðnir of fullir til að borða matinn sinn þegar til átti að taka.

xxx
Fía litla

Skilnaðarbylgja að hausti

Athugasemdir

[Hulda Bergrós Stefánsdóttir, 8.7.2008 kl. 16:23]

Í hvaða brúðkaupi var það ????????

[Soffía Valdimarsdóttir, 8.7.2008 kl. 17:30]

Það var í ónefndu brúðkaupi á Ströndum fyrir tæpum tveimur áratugum - say no more!

[Hulda Bergrós Stefánsdóttir, 8.7.2008 kl. 20:40]

Hjúkk, var að spá í hvort það hefði gleymst hjá okkur

[Villi Asgeirsson, 9.7.2008 kl. 04:11]

Ég hef sjaldan lesið betri lýsingu á raunveruleikanum.