Hvað á að gera við barnaníðinga? - Ókeypis sparnaðarráð handa örþrota þjóð

Dæmið alla þá sem finnast sekir um barnaníð í ævilangt fangelsi án möguleika á náðun og vistið á deildum með harðsvíruðustu glæpamönnum á hverjum tíma.

Þetta mun spara útgjöld samfélagsins gríðarlega þegar allt er tekið með og fram líða stundir.

Níðingurinn mun ekki skemma fleiri börn = þetta óeðli verður alltaf til en þessi tiltekna orsakakeðja kynferðisafbrota slitnar með tilheyrandi lækkun á samfélagslegum útgjöldum vegna málarekstrar, meðferðar fórnarlamba og gerenda, fíknimeðferða fórnarlamba og gerenda o.s.frv. o.s.frv.

Annað er að samfangar ku vera miskunarlausir gagnvart barnaníðingum af því að margir afbrotamenn eru einmitt fórnarlömb kynferðisafbrotamanna = fangar fá geðlausn = hugsanlega minni kostnaður við geðhjálp fyrir þá (nú ef ekki þá er þeim það ekki of gott greyunum að hafa einn eða tvo perra til að pynda)

Það græða allir á því að loka þessi skrýmsli inni. Og nóg er af þeim þannig að um meiriháttar ávinning er að ræða.

Hvernig er það líka verjandi að maður á borð við Steingrím Njálsson gangi alltaf laus annað slagið?

Myndir þú vilja bera ábyrgð á því?

Eitt að lokum: horfðu í augun á fólki áður en þú treystir því fyrir börnunum þínum. Ef þú sérð eða finnur eitthvað sem vekur minnsta vafa af einhverjum toga hættu þá við. Þú þarft engum að segja hvað þú skynjaðir eða hvað þú heldur - eða heldur að þú haldir - það varðar engan um það. En láttu innsæið ráða og börnin alltaf njóta vafans.

Athugasemdir

[Haraldur Davíðsson, 6.5.2008 kl. 14:43]

Verjandi Steingríms er einfaldlega betri en lögin sem hann notar og andmælir í senn. En ég er sammála þér í meginatriðum,Soffía,við eigum heimtingu á því að lögin og samfélagið leyfi innilokun,jafnvel ævilanga,fyrir svona brot.Ekki síst með tlliti til orsakakeðjunnar sem þú vitnar í,þeas að gerendur hafi verið þolendur.Það skiptir öllu máli að við einmitt horfum á þessa keðju.En hún er ekki vörn fyrir grandann,heldur áfellisdómur fyrir samfélagið.Við höfum leyft þetta of lengi. Það má samt ekki láta það nægja.Það er sýnt að marga gerendur má bæta og ekki sýst þá yngri,þess vegna verður að hafa úrræðin fleiri en bara innilokun.Ég á sjálfur börn og mér finnst að ríkið hafi brugðist þeim hvað þetta varðar.Á hvorn veginn sem er.Að lokum er ég með hugmynd fyrir fangelsið þitt; gerum Fritzl hinn austurríska,að yfirfangaverði.Hann yrði fínn í það.Friður.

[Soffía Valdimarsdóttir, 6.5.2008 kl. 15:18]

Tja mér líst ekki alveg á þetta með Frtizl - þarf að spá í það.

En mér leiðist orðið ákaflega kyngimagn Íslendinga eins og ég kalla þann ósið að kyngja öllum andskotanum án umhugsunar. Auðvitað eigum við heimtingu á því að stjórnvaldslegt yfirvald á hverjum tíma verndi hagsmuni heildarinnar og gildir þá hið fornkveðna að tilgangurinn getur stundum helgað meðalið. Mér leiðist líka að mega ekki segja það sem mér finnst. Ég vil engum illt en heimskan sem felst í því að slá diplómatísku glitri yfir skoðanir sínar alltaf hreint veldur bara stöðnun og andlegri afturför. Við eigum ekki að sitja þegjandi yfir því hvernig Kirkjan til dæmis tekur sér vald sem er ekki hennar. Því skyldi Kirkjan fjalla um kynferðisafbrotamál starfsmanna sinna og meta hvort á að kæra eða ekki? Við eigum ekkert að sitja undir hverju sem. Bloggið er 5. valdið og ég er alveg til í að gera mig að fífli við og við með því að missa mig ef það hreyfir við einhverjum.

Þakka þér annars - við eigum að ræða þessi mál.