Óttalegt tilfinningaklám er þetta!

Óléttur köttur eða ekki óléttur köttur - þetta er allt saman viðbjóður!

Kattarandskotinn á mínu heimili hafði boðið (ó)vini sínum í partý í gær sem endaði í slagsmálum.
Þegar við komum heim voru hárflókar og skinntutlur úr gráum ketti út um allt hús auk þess sem kattaskítur fannst á 3 stöðum þegar betur var að gáð.

Auk þess höfðu þessi helvítis óbermi tætt niður eina blómið sem hefur lifað af nábýli við mig og mína grænu fingur. Nú lá þessi harðgera planta yfirbuguð út um allt gólf, borð og bekki í eldhúsinu.

Er búin að komast að því hvernig ég get drepið köttinn án þess að upp um mig komist.
Þori ekki að láta verða af því......
xxx
Fía litla

Greiddi lausnargjald fyrir kött

Athugasemdir

[Kolbrún (IP-tala skráð) 2.4.2009 kl. 13:19]

Mér finnst þessi færsla viðbjóður

[ThoR-E, 2.4.2009 kl. 13:21]

Ertu fífl kona.

Einstaklingar eins og þú eiga ekki að fá að eiga dýr.

Farðu með köttinn niður á kattholt. Þar er örugglega hægt að finna heimili fyrir greyið ... eflaust eiganda sem er ekki að velta fyrir sér leiðum til að drepa dýrið.

Manni býður við svona löguðu.

[Heidi Strand, 2.4.2009 kl. 13:24]

Gott er að það eru enn til góðu fólki sem hugsar ekki bara um sitt eigið ...

[Soffía Valdimarsdóttir, 2.4.2009 kl. 13:24]

Er ekkert erfitt að vera svona húmorslaus?

[Gunnar (IP-tala skráð) 2.4.2009 kl. 13:30]

Húmorinn þarf að vera fyndinn áður en maður hlær Soffía.

[ThoR-E, 2.4.2009 kl. 13:30]

Húmorslaus?

Ef þetta var grín.. að þá er gott að láta það fylgja.. svona svo miskilningur eigi sér ekki stað!

Ég vona að þetta var grín.. dýrsins vegna.

[Elísabet Sigurðardóttir (IP-tala skráð) 2.4.2009 kl. 13:42]

Bíddu, þú myndir sem sagt gantast svona með börnin þín það er að segja ef þú átt börn eða mannverur yfirhöfuð?

Þetta eru lifandi sálir alveg eins og mannfólkið, þannig að vonandi getur þú verið svona svakalega fyndin þegar þú gantast með mannfólkið, nú ef ekki þá erum við að tala um hræsni!!!! 

[Árni Þór Steinarsson (IP-tala skráð) 2.4.2009 kl. 13:46]

Persónulega finnst mér að það eigi að banna lausagöngu katta það er algerlega óþolandi að þurfa að búa við innbrotshættu katta. Persónulega vildi ég frekar fá rottu í heimsókn en þessa kattar fjanda. Svo væri ég mikið til í að vita hvort ég má handsama kött sem brýst inn á heimili mitt og

a) koma honum fyrir kattarnef,

b) senda hann til þar til bærra yfirvalda svo eigandi skeppnunnar þurfi að borga lausnargjald fyrir gæludýrið

c) fara persónulega til eiganda kattarins og rukka hann um þessar 20 þús + kostnað vegna skemmda sem urðu vegna innbrots kattarins á heimili mitt 

[Þórður Sigurjónsson (IP-tala skráð) 2.4.2009 kl. 13:53]

Soffía!

Þetta kalla ég skekkklaust grín. Dýrin eru þeim eiginleikum gædd að svíkja mann ekki, það gerir hins vegar mannskepnan.

[Soffía Valdimarsdóttir, 2.4.2009 kl. 13:54]

Ég er ekkert að æsa mig þótt hann komi inn með fugl eða einangrunarplast eða svoleiðis nokkuð. Hann hefur aldrei nokkurn tíman gert þarfir sínar á gólfið. það hefur eitthvað meira en lítið gengið á.

Málið er auðvitað að kattahald er ekkert sniðugt nema fólk sé heima til þess að sinna þessu.

Ég er kannski óskaplega vond manneskja en mér finnst þetta bara viðbjóður! En börnin elska þetta eins og systkini sín þannig að hvað getur maður gert?

Gott ráð örugglega með vatnsbyssuna Þrymur en maður þarf að vera til staðar. takk fyrir ábendinguna.

[Finnur Bárðarson, 2.4.2009 kl. 13:57]

Ef þú ætlar að drepa kött þá er mér að mæta

[Sveinn Sigurður Kjartansson, 2.4.2009 kl. 13:59]

Hvernig á maður að átta sig á því að þetta sé grín?  Ég bara spyr.  Það er nefnilega ekkert fyndið við þetta.  Svona grín virkar engan veginn í bloggfærslum þó þér hafi mögulega þótt þetta fyndið sjálfri þegar þú skrifaðir það.  Þetta er líka mjög ósmekklegt grín ef svo ber undir.

[Sveinn Sigurður Kjartansson, 2.4.2009 kl. 14:01]

Núnú! Þetta var sem sagt ekkert grín???  Þú ert sem sagt geðveikur dýrahatari frá helvíti?

[Sveinn Sigurður Kjartansson, 2.4.2009 kl. 14:02]

... og mannlegur viðbjóður í ofanálag.  Mannskepnan er eina dýrið sem hefur ánægju af því að drepa önnur dýr og gerir það fyrir sportið og ánægjuna.  Það sem hrjáir þig hins vegar virðist vera skelfilegt uppeldi og viðkynning við dýr.

[Matthías (IP-tala skráð) 2.4.2009 kl. 14:05]

Ég er sammála honum Finni, ef þú leggur hendur á köttinn þá er okkur að mæta. Ég veit ekki hvað ég myndi gera ef einhver gerði slíkt við köttinn minn, hugsanlega myndi ég svara í sömu mynt.

[Árni Þór (IP-tala skráð) 2.4.2009 kl. 14:07]

Svo ég verji soffíu þá er ekkert sama sem merki milli þess að lóga dýrum og vera dýra hatari það er mun mannúðlegra en að láta þetta verslast upp á vergangi td. en auðvitað eiga menn að fara með köttinn til dýralæknis og láta svæfa hann hitt er kanski ekki fyrir hvern sem er. Þó að sennilega sé alveg jafn mannúðlegt að kippa þeim úr hálsliðnum þá er það ekki fyrir hvern sem er svo ég mæli með dýralækninum og sprautu

[Soffía Valdimarsdóttir, 2.4.2009 kl. 14:10]

Ja hérna!

Maður úthellir hjarta sínu í tíma og ótíma um stjórnmál, fjölþrifna klerka, kúgaðar konur og hvers kyns þjóðþrifamál önnur og enginn nennir að eyða tíma í að ræða það.

Svo blæs maður aðeins yfir vægast sagt ógeðfelldir aðkomu heimilis síns vegna kattar og það ætlar bara allt vitlaust að verða!

Það ætla ég að vona að þið góða fólk hafið öll jafn brennandi ástríðu fyrir velfarnaði náungans og þið greinilega hafið þegar kemur að köttum. Þá er okkur öllum saman borgið!

[Finnur Bárðarson, 2.4.2009 kl. 14:14]

Gott kommnent Soffía. Ég þekki þetta líka. Þegar maður á síst von á fær maður tonn af athugasemdum. En vertu nú góð við kisa, þó ég þykist vita að þú ert það

[Sædís (IP-tala skráð) 2.4.2009 kl. 14:19]

Þú ert bara best

kv Sædís kattarvinur

[Óli Tómas (IP-tala skráð) 2.4.2009 kl. 14:27]

Ég vona að einhver finni leið til þess að dreap þig án þess að upp um hann komi! Heimurinn er betur settur án þín!

[Soffía Valdimarsdóttir, 2.4.2009 kl. 14:31]

Já auðvitað er ég best, ég gef þessu ógeði harðfisk og kattanammi í tíma og ótíma, passa upp á að dallarnir hans séu hreinir og þess háttar. Hann er sífellt snuddandi utan í mér því hann veit auðvitað sem er að ég er matmóðir hans.

En þessi sóðaskapur og kattahald almennt inni á heimilum samræmist ekkert samfélagsgerðinni eins og hún er í dag. Ég fer ekkert ofan af því!

[Ossur Valdimarsson (IP-tala skráð) 2.4.2009 kl. 14:35]

Komdu sael Soffía. Taka skal fram ég og Soffía erum ekki systkyni. Ég á kisu sem mér finnst ómissandi á heimilinu. Veitir manni hlýju og gefur manni bros á hverjum degi. Kisan mín er mikid inni,hvers vegna skyldi thad vera? Kisan er ein af okkur og hún finnur thad. Verid gód vid dýrin ykkar med aga í huga. Dýrin thurfa aga eins og vid mannfólkid. Dýrin hafa jafn mikinn rétt á ad lifa eins og vid mannfólkid,burt séd frá efnahagslegu sjónarmidi. Dýrin gefa af sér thad sem vid viljum koma fram med aga og umhyggju. Elskadu sjálfan thig eins og dýrin thín. Elskadu dýrin eins og sjálfan thig. Til thess ad fá fram thad sem thú vilt út úr dýrinu thínu,tharftu ad sýna dýrinu virdingu og koma fram vid thad eins og thú vilt ad thad komi fram vid thig.  

Lifid heil.

[Stjörnupenni, 2.4.2009 kl. 14:44]

Bwahaha!!!

Ekki nóg með að færslan hafi verið alveg sprenghlægileg, heldur eru kommentin við hana enn fyndnari!

Kettir eru heimskir og þeir drepast auðveldlega

[ThoR-E, 2.4.2009 kl. 14:53]

Stjörnupenni ... drepst þú auðveldlega?

Væri til í að prófa það.

[ThoR-E, 2.4.2009 kl. 14:56]

Og Soffía:

Er búin að komast að því hvernig ég get drepið köttinn án þess að upp um mig komist.
Þori ekki að láta verða af því.....

Finnst þér skrítið að þú fáir viðbrögð við svona ??? finnst þér skrítið að dýravinir setji inn athugasemdir við svona færslu??

Hverju áttiru von á? rugludöllum eins og Stjörnupenna... þeir komu nokkrir svoleiðis. En sem betur fer er meira af góðu fólki og dýravinum en svona trúðum.

[Soffía Valdimarsdóttir, 2.4.2009 kl. 15:07]

Ég veit svo sem ekki hverju ég átti von á. Hef ekki sérstaka þörf fyrir feedback á mínar bullfærslur yfirleitt. Fæ ekki þessi viðbrögð þegar ég skrifa um barnaníð til dæmis.

Hins vegar eru þessi viðbrögð mjög áhugaverð í þjóðfræðilegu tilliti svo ekki sé meira sagt. Gaman að því!

[ThoR-E, 2.4.2009 kl. 15:11]

Þjóðfræðileg eða ekki ... dýravinir taka því yfirleitt ekkert vel þegar talað er um að drepa dýr.

Þannig er það bara.

[Vala (IP-tala skráð) 2.4.2009 kl. 16:26]

"Fæ ekki þessi viðbrögð þegar ég skrifa um barnaníð til dæmis."

Hefðir líklega fengið svona viðbrögð hefðiru talað með barnaníði...

Annars er ömurlegt að koma að heimili sínu í rústi, hvort sem þeð sé eftir ketti eða mannfólk. Þú segir að kötturinn þinn hafi boðið vini sínum í partý sem endaði í slagsmálum. Getur ekki verið að kötturinn þinn hafi reynt að verja heimili þitt (og sitt) fyrir þessum óboðna gesti?
Ég bý í kjallaraíbúð, á sjálf ketti og lenti alloft í því að kettir komu í heimsókn. Aldrei var íbúðin í rúst eftir þessar heimsóknir. Í mesta lagi voru nokkur loppuför eftir á gólfinu sem ég þreif upp og pældi svo ekki í meir. Ég tel að þú hafir verið einstaklega óheppin. Núna hef ég gluggan alltaf lokaðan nema rétt á meðan ég lofta út og kettirnir koma aldrei í heimsókn lengur. Vandamálið leyst.

Svona í lokin vil ég segja að mér finnst ömurlegt að heyra einhvern tala um aðra lífveru sem viðbjóð eða ógeð. Finnst mér það bera mikinn vott af óþroska og virðingarleysi. Aldrei gæti ég litið svo stórt á mig að ég teldi mig eiga rétt á því að kalla aðra lífveru viðbjóðslega.

[Stjörnupenni, 2.4.2009 kl. 17:26]

Merkilegt, AceR (ef það er þá raunverulegt nafn þitt) hvað þú áttir auðvelt með að vilja komast að því hvort ég dræpist auðveldlega.

Reyndar var augljóst að það er lítil alvara á bakvið það, en þannig var það einnig með upprunalegu færsluna.

Þú ert bara auðtrúa fífl sem hljópst á þig í æsingnum.

[ThoR-E, 2.4.2009 kl. 17:31]

Stjörnupenni...(ef það er þá þitt raunverulega nafn) rugludallur..

Hvaða álit dýraníðingur hefur á mér ... skiptir mig mjög litlu máli.

Og smá viðbót ... ef fólk er að grínast.. að þá er oft gott að taka það fram, grín eða kaldhæðni skilar sér nokkuð illa í gegnum ritað mál.

fíflið yðar.

[Stjörnupenni, 2.4.2009 kl. 17:42]

Ég er reyndar ekki dýraníðingur en takk samt.

Það skiptir mig ekki máli hvaða álit fíkniefnasalar hafa á mér.

[ThoR-E, 2.4.2009 kl. 17:49]

Fíkniefnasalar ???

Eru semsagt allir þeir sem hafa kommentað á umræðuna um lögleiðingu cannabis dópsalar. Ég býst við að það sé það sem um ræðir.

Athyglisvert.

Sérstaklega þegar ég hvorki drekk né neyti fíkniefna. En góð tilraun félagi.

Annað.. með að setja svona athugasemd inn. Að hvað ef einhver unglingur les þetta.. og ákveður næst þegar hann sér kött.. að prófa að t.d sparka í hann.. til að sjá hversu auðvelt er að drepa hann.. eins og þú orðaðir svo snyrtilega.

[ThoR-E, 2.4.2009 kl. 17:50]

Orðum fylgja ábyrgð.

Og hvað varðar ummæli mín um hvort þú drepist auðveldlega, engan áhuga hef ég á að sjá það. Hinsvegar kom ég bara með jafn skemtilega athugasemd á móti þinni.

[Stjörnupenni, 2.4.2009 kl. 17:59]

Reyndar veit ég ekkert um hvað þú hefur látið frá þér í umræðunni um kannabisefni.

Enda hélt ég bara að við værum að telja upp hópa fólks hvers álit á okkur skiptir ekki máli.

Unglingur sem sparkar í kött vegna þess sem ég skrifa á við vandamál að glíma fyrir.

Reyndar vona ég að hann sparki í köttinn eftir að hafa lesið mína færslu frekar en að halda áfram niður á þína færslu og ákveða að sparka í mig til að sjá hve auðveldlega ég drepst.

Þú hugsaðir ekki út í það, félagi.

Þú getur ekki bara komið "með jafn skemtilega [sic] athugasemd á móti" og síðan þóst vera einhver sakleysingi.

Þú sökktir þér niður á nákvæmlega sama plan og ég er á, líklega án þess að taka eftir því sjálfur.

Merkilegt.

P.S.

Mér finnst ekki í lagi að drepa ketti nema til matar.

[ThoR-E, 2.4.2009 kl. 18:04]

Hvað lágt plan varðar. Það getur vel verið. M.a með að kalla þig nöfnum sérstaklega. Augljóslega stuttur þráðurinn hjá mörgum hvað varðar dýravernd.

En ég hef engan áhuga á því að sjá nokkurn mann sparka í þig bara svo það sé á hreinu.. og vona ég að enginn unglingur fari að taka það upp eftir að lesa athugasemd mína.

Við skulum láta staðar numið í þessari umræðu okkar á milli og vona ég að orð mín hafi ekki valdið þér miklum skaða ... sem ég efast nú reyndar stórlega um.

Og vona ég að þú verður ekki svangur ... í bráð ...

[Stjörnupenni, 2.4.2009 kl. 18:08]

Mig grunaði nú aldrei að þú vildir sjá nokkurn ungling sparka í mig, enda hef ég litlar áhyggjur af því :)

Skaðinn sem þú hefur valdið mér er í lágmarki enda hafið nú meira gaman að en annað.

Og engin hætta á að ég verði svangur :D

Enda borðaði ég næstum heilan labradorhvolp í hádeginu!

[ThoR-E, 2.4.2009 kl. 18:12]

eheheh þú ert ágætur. .. :)

[Anna Erla Valdimarsdóttir (IP-tala skráð) 2.4.2009 kl. 20:10]

Muhahaha eruð þið ekki að grínast hérna.  Ég held að þið húmorslausu freðýsur ættuð að skríða aftur inn í ykkar rassg.. og elskurnar klæðið ykkur vel svo þið drepist ekki úr kulda.

Á einu og sama árinu tókst mér að´léttast um 14 kg og losna við kött af heimilinu og getiði nú hvort var meira frelsandi?  Kettir eru nefninlega eins og mennirnir, eins misjafnir og þeir eru margir og líklega hefur þessi helvítis köttur sem ég átti verið náskyldur ykkur sem líklega getið ekki einu sinni blótað nema alein einvhersstaðar í myrkri. 

Og Mr. Valdimarsson ég er Valdimarsdóttir en hef það framyfir þig að ég er systir hennar Soffíu og er stolt af því :D 

[Þórhildur (IP-tala skráð) 2.4.2009 kl. 22:04]

Nú er ég mikill dýravinur og á bæði kött og hunda. Get nú samt ekki að því gert að ég sprakk úr hlátri við það að lesa þessa færslu. Finnst lýsingin á aðkomunni óborganleg og dettur ekki til hugar að Soffía sé að meina það í alvörunni að hún ætli að drepa köttinn.

[RE, 2.4.2009 kl. 22:34]

Kanntu ekki að matreiða köttin. Þá getur þú boðið mér í mat

[Hulda Bergrós Stefánsdóttir, 2.4.2009 kl. 23:26]

hahaha þekkir greinilega engin Fíu

[(IP-tala skráð) 3.4.2009 kl. 09:50]

Bráðskemmtileg færsla og klárlega um létt grín að ræða, ekki nokkur vandi að lesa það úr þessum skrifum. En hefði verið byrjað á því að segja ... þetta er grín færsla hefði það alveg misst marks.

Einhver hér sagði í commenti að engin dýrategund dræpi sér til skemmtunar nema maðurinn, það er ekki rétt, minkurinn gerir það svikalaust svo og kötturinn. Kisa mínum datt aldrei í hug að drepa mús þó ætlast væri til þess af honum nema hann væri í stuði til að leika, og þau skipti var hægt að telja á fingrum annarrar handar því hann var svoddan sófadýr, og sármóðgaðist ef ekki var stjanað undir rassgatið á honum í tíma á ótíma. Já honum var svo slétt sama þó allir Jennar í nágrenni heimilisins væru spásserandi í kringum hann, þá datt Tomma ekki í huga að hreyfa sig, þó var hann tekin inná heimilið sérstaklega til að halda öllum Jennum í hæfilegri fjarlægð.

[Þórhildur Þórhallsdóttir (IP-tala skráð) 3.4.2009 kl. 11:59]

Vá!!! Hvílíkur hasar út af einni færslu um ketti!? Þó ég sé mikill dýravinur og eigi mikið af ferfætlingum sjálf þá get ég ekki með neinu móti skilið hvernig þessi færsla getur kveikt þetta bál í hjörtum manna! Og mikið vildi ég óska, óska að umræður um t.d. kjör aldraðra eða barna í samfélaginu gæfu tilefni til slíkra viðbragða. Það er umhugsunarefni fyrir okkur öll að svo sé ekki.

En færslurnar þínar eru alltaf skemmtilegar, líka þessi sem var (og átti auðsjáanlega að vera) bráðfyndin:-) Takk fyrir mig!

[Sylvía , 3.4.2009 kl. 13:36]

se ekkert fyndid vid thetta

[Guðmundur Benediktsson, 4.4.2009 kl. 21:27]

Það er ég viss um að þeir Sveinn og Forsíðan á Time, sem belja hæst og heitast út af þessari bráðfyndnu færslu hennar soffíu, hafa aldrei átt gæludýr, a.m.k. ekki kött.

Hjá okkur er til heimilis læðan Doppa, mjög blíð og kelin. Hún hefur veitt okkur ómældar ánægjustundir með mali og nuddi en ég verð að viðurkenna að hérna um árið, þegar sex högnar sátu um húsið, flaug margt ljótt um hugann og beindist sumt af því til Doppu.

Okkur til léttis og henni til bjargar gufaði högnahjörðin þó upp fljótlega eftir þetta, af ástæðum okkur ókunnar, og hefur Doppa fengið frið að mestu fyrir högnum síðan.

Það er óhjákvæmilegur fylgifiskur kattahalds að þeir koma stöku sinnum með fugla og mýs en í Doppu tilviki hefur það oftar en ekki verið uppspretta ævintýra og hláturs. Stundum hefur heimilisfaðirinn orðið að veiða mýs innandyra sem Doppan hefur misst frá sér, með kvenpening heimilisins hvíandi upp á borðum eða bakvið lokaðar hurðir á meðan. Eitt sinn kostaði slíkur eltingarleikur heimilisföðurinn gat á haus. Þær mýslur sem við höfum náð  hafa systurnar sætu kjagað með í boxi út í móa og gefið frelsi. Kannski hafa einhverjar þeirra fengið þessa meðferð oftar en einu sinni.

Eftirminnilegast finnst okkur þó þegar Doppa kom æmtandi inn í eldhús. Fljótlega var þetta æmt orðið að einskonar jái. Já já já sagði dýrið og við horfðum furðulostin á og héldum jafnvel að það væri farið að tala. Skyndilega kom þó skýringin þegar kattarhvofturinn opnaðist eins og maður hélt að væri ekki mögulegt og út um hann rann mús í heilu lagi. Mæðgurnar skræktu sem aldrei fyrr og ekki var þetta geðslegt á að horfa en bráðfyndið í minningunni.

Það getur verið sviptingasamt að eiga kött en þó að maður hafi hugsað kattarrassgatinu þegjandi þörfina á stundum efast ég ekki um að maður komi til með að sakna hennar.

[ThoR-E, 4.4.2009 kl. 22:36]

Guðmundur, þú beljar hátt hérna kunningi um hluti sem þú veist ekkert um.

Kettir hafa verið á mínu heimili síðan ég var 6 ára gamall, alltaf 2 til 3 kettir, einusinni 4.

Núna hef ég 2 ketti á heimilinu, læðu og högna. Þeir eru báðir innikettir.

Eins og ég segi hér fyrir ofan, að það taka ekki allir svona "gríni" ...það má vera að ég hafi "æst" mig aðeins of mikið. En það stóð bara ekkert í þessari færslu um að þetta væri grín. Kaldhæðni og grín skilar sér alveg hræðilega illa í gegnum ritað mál.

Eigðu gott kvöld, Guðmundur Benediktsson.

[Guðmundur Benediktsson, 4.4.2009 kl. 22:39]

Það er misdjúpt á skopskininu