Afmæli og ekki afmæli

í dag hefði bróðir minn, Siggi, átt afmæli hefði hann lifað.
Ég hugga mig við það að hann væri orðinn kall og það er ekkert víst það hefði farið honum vel.

Hann var 25 ára þegar hann fór eins skyndilega og hann kom (ekki alveg viss um að mamma taki undir þetta).
Í dag væri hann 44 ára - kannski með skalla en örugglega gráhærður.
Hljómar fáránlega!

Annars er þetta bull!
Þeir sem fara eins og við segjum, fara nefnilega ekki eitt eða neitt heldur eru þeir með okkur sem eftir lifum alla daga allan ársins hring hvort sem okkur líkar það betur eða verr.
Þannig er nú það.

En svo kynntist ég stelpufífli sem ég kalla vinkonu mína.
Hún á einmitt afmæli í dag.
Hún er eiginlega orðin kelling bara - til hamingju með það ef þú lest þetta gamla mín!

xxx
Fía litla

Athugasemdir

[Hulda Bergrós Stefánsdóttir, 17.9.2009 kl. 15:13]

Gott að ylja sér við kallahugmyndina

Já og hún getur sko bara verið fífl þar sem hún ákvað að yfirgefa okkur svona rétt fyrir ammælið og segist vera með heitt á könnu í einhverjum Bauhausdal þarna fyrir sunnan

[Soffía Valdimarsdóttir, 17.9.2009 kl. 15:24]

Jæja seggðu!

[Rut Sumarliðadóttir, 18.9.2009 kl. 11:35]