Einn fyrir háttinn!

Nú fer ég í háttinn vitandi hreinlega ekki hver ég er eða hvaðan ég er að koma - nú eða hvort ég á afturkvæmt og þá hvert skuli halda !

Mér hefur nefnilega nýlega verið tjáð að ég sé:

geðveikur dýrahatari frá helvíti og mannviðbjóður,
hræsnari,
fífl,
smekklaus,
ófær um að eiga börn og ´mannverur´,
upptekin af eigin rassgati (nokkuð til í því !),

óþroskuð,
ófyndin,
óskýr,
illa upp alin,

Reynt hefur verið að koma mér í skilning um hvernig ritmál nær ekki að fanga húmorískar víddir talmálsins og ekki má gleyma þeirri ábendingu að heimurinn sé betri án mín!

Hér gætir vissulega ýmissa góðgrasa en dauðaósk mér til handa toppar þó held ég sátuna.

Góða nótt fallega fólk
xxx
Fía litla

Athugasemdir

[Rut Sumarliðadóttir, 3.4.2009 kl. 13:30]

Mér finnst þú ógeðslega skemmtileg eins og krakkarnir segja. Vona að þú jafnir þig.

[Soffía Valdimarsdóttir, 3.4.2009 kl. 14:01]

Sömuleiðis Rut, og svo ertu greinilega mjög klár kona!

Hafðu ekki áhyggjur af mér, mér finnst þetta bara skemmtilegt - og merkilegt.

[Hulda Bergrós Stefánsdóttir, 3.4.2009 kl. 15:48]

kattarófétið að koma þér fyrir kattarnef......................

við eigum ekki orð yfir þessum athugasemdum sem þú fékkst, á mínum bæ, var að spá í að blogga um ófétið sem kemur óboðinn inn á mitt heimili hverri nóttu, veit ekki hvort ég þori því

[Soffía Valdimarsdóttir, 3.4.2009 kl. 17:13]

Nei þú átt auðvitað að láta það yfir þig ganga bara eins og hvert annað hundsbit að köttur nágrannans éti matinn þinn og brjóti húsmuni og svona nokkuð sjálfsagt og eðlilegt !