Það sem ég vildi sagt hafa....

Soffía Valdimarsdóttir

Soffía heiti ég, fædd og uppalin fyrir austan fjall og bý þar enn. Ég gegni nokkrum ólíkum hlutverkum í lífinu. Ég er mikil dreifbýlistútta en daðra í villtustu draumum mínum við stórborgarlíf á fjarlægum stöðum. Svo er ég móðir þriggja efnilegra barna og gift miklum mektarmanni. Þess utan (eða kannski þess vegna) er ég líka þjóðfræðinemi við HÍ og þannig verðandi þjóðfræðingur. Svo er ég dóttir foreldra minna, systir systkina minna og vinkona vina minna. Ég hef mikinn áhuga á matseld og finnst ekkert skemmtilegra en að bjóða heim skemmtilegu fólki í mat og drykk. Alþýðumenning og hið smáa heillar mig mjög og sjálf reyni ég að fara aldrei í kjölsogi annarra. Þvert á móti berst ég á móti straumnum og tilheyri því ávallt einhverju því mengi sem á hverjum tíma getur kallast minnihlutahópur. Það getur verið að ég sé bara svona mikil frekjudolla en satt best að segja held ég að það að fylgja alltaf og styrkja þannig ríkjandi gildi í samfélaginu hindri eðlilega þroskun einstaklinga og leiði af sér stöðnun þjóðfélagsins alls.

Ábyrgðarmaður skv. Þjóðskrá: Soffía Valdimarsdóttir