Sumir eru kannski aðeins meira 2007 á því en aðrir........

Eiginmaðurinn og miðlungurinn flugu með Icelandair til London í morgun.

Góðvinur eiginmannsins kom því þannig fyrir að þeir sátu í flugstjórnarklefanum í flugtaki og lendingu en þess á milli gæddu þeir sér á Sagaclass-veitingum og nutu lífsins við videogláp og tímaritalestur. Miðlungurinn er æstur í að læra flug þannig að þetta er eins konar fyrsta kennslustund í náminu ef af verður.

Í fyrra fór þessi sami eiginmaður með frumburðinn til New York í rúman sólarhring á sömu kostakjörum. Þeir sem sagt skruppu í orðsins fyllstu merkingu út að borða í New York.

Við mæðgurnar reynum bara að hugga okkur við einhvern Bónus-gjörning á grillinu í kvöld þar sem það er ekki bjótt manni í geimið........

xxx

Fía litla

Fía litla

Athugasemdir

[Brjánn Guðjónsson, 28.6.2009 kl. 07:14]

„þessi sami eiginmaður“ ??

eru þeir margir?

[Soffía Valdimarsdóttir, 29.6.2009 kl. 12:33]

Nei Brjánn, það er nú það skemmtilega, ég á bara þennan eina :)

[Lilja Guðrún Þorvaldsdóttir, 1.7.2009 kl. 01:23]

Voru þeir fleiri ?.,  og áttu bara þennan eina núna, eða ?!?!?