Ég drap mann í nótt -

- sko í draumi!
Hann er víðfrægur meðhjálpari - sko í alvörunni.

Morðvopnið var grænn kúlupenni. Honum stakk ég á kaf í hjartað á honum en hann bar fyrir sig gullfallega ævintýrabók í kremlituðu bandi með gylltum stöfum. Blóðið seytlaði í blómlaga mynstur á kápuna út frá pennanum. Mér fannst liturinn fara vel við lit bókarinnar - það er að segja áður en blóðið tók að storkna.

Ég man ekkert af hverju ég drap hann. Þarna var samankomið heilmikið af fólki bæði á meðan verknaði stóð og svo á eftir. Við drukkum kaffi úr sægrænum bollum með Múmínálfamyndum á. Ég elska Múmínálfana.

Meðhjálparinn sat þarna bara dáinn og glápti álkulega út í loftið eins og hann ætti einhvern vegin ekki beint heima á þessari samkundu. Enginn skipti sér af honum.

Einhver krakki vildi fara að gera mál úr því undir kvöld að maðurinn væri svo skrítinn á litinn og hvort við ættum ekki að hringja í lækni. Enginn tók undir - enda var komið grand saman við kaffið á þessum tímapunkti.

Svo vaknaði ég.
Klukkan var tólf:fimmtán, á hádegi.

Það er gott að vera komin í skólafrí
xxx
Fía litla

Athugasemdir

[Rut Sumarliðadóttir, 11.5.2009 kl. 14:13]

Það á aldrei að fara svona illa með bækur, ekki einu sinni í draumi!

[Þórhildur Þórhallsdóttir (IP-tala skráð) 11.5.2009 kl. 19:13]

Frænka góð,

það væri mikið fróðlegt að sjá freud-íska skýringu á þessum draumi!:-)

Það er ekki laust við að hann sé furðulegur, verð að segja það!

[Soffía Valdimarsdóttir, 11.5.2009 kl. 20:15]

Freud er fínn!

Annars hitti ég konu sem var á namskeiði sem hún hélt að yrði leiðinlegt en var svo frábærlega skemmtilegt! ´sko það var af því að konan var svo aðlaðandi og skemmtileg, alveg frábær bara´ Já já sagði ég, er þetta einhver sem maður þekkir? Nei örugglega ekki, Þórhildur Þórhallsdóttir held ég að hún heiti.

Já enmitt! Þetta er hún Tóta mín, hún Tóta frænka - bara stórkostlegur karakter!

Lítill heimur - og þú stendur þig vel mín kæra, átti ekki von á öðru!

Þarf að fara að sjá þig.

xxx

Fía litla

[Lilja Guðrún Þorvaldsdóttir, 12.5.2009 kl. 00:28]

JÁ, ÞETTA ER GÓÐUR DRAUMUR!