Mér býður við Sjálfstæðisflokknum!

Þetta mál vitnar um nákvæmlega það sem ég hef alltaf sagt: Sjálfstæðisflokkurinn er mafía!

Sjálfstæðisflokkurinn er stofnun fárra valdagráðugra gjörspilltra auðmanna á Íslandi.
Þess vegna fór svona svakalega um þá kóna þegar Baugsveldið hóf sig til auðs og valda í landinu á sínum tíma.
Það teygði anga sína inn í þeirra eigin blokk.
Það tók spón úr aski forréttindasnatanna í Sjálfstæðisflokknum.
Það þótti þeim Sjálfstæðismönnum full langt gengið að eitthvað vinstrapakk væri að seilast upp að háborðinu í þeirra partýi.

Það hlægilega er að það er fullt af verkakonum, ruslaköllum og skrifstofublókum út um allt land sem telur hag sínum best borgið undir væng þessa skrýmslis sem Sjálfstæðisflokkurinn er,
Staðreyndin er hins vegar sú að flokkurinn sá stendur fyrst og fremst vörð um hagsmuni fjármagnseigenda og það hefur hann alltaf gert.

Það getur vel verið að innan hans séu bláeygar húsmæður með lagninu frá því í síðustu viku að funda um það hvernig helst megi metta munna fátækra Íslendinga í næstu viku.

það breytir þó ekki því að Sjálfstæðisflokkurinn er og verður klíka auðmanna - hagsmunabandalag miðaldra, roskinna kristinna karlmanna sem telja sig og sína rétthárri en flesta aðra. Samlíkingin við mafíuna er augljós.

Viðbrögð formanns sjálfsstæðisflokksins við þessu máli eru forkastanleg og lýsandi fyrir þetta glæpahyski og þeirra siðferðisvitund.
Þau segja sem svo: Tja fyrst það þurfti endilega að komast upp um okkur þá bara skilum við peningunum - þið fyrirgefið okkur svo bara, ha - er það ekki bara?

Bjarni Benediktsson veldur mér gríðarlegum vonbrigðum svo ekki sé meira sagt.
En hvernig má annað vera?

Hvernig á maður sem veit það þegar hann leggst á koddann á kvöldin, að þótt svo að allt brenni hér til kaldra kola sem brunnið getur þá muni honum og hans fólki vera borgið í orðsins fyllstu merkingu, að geta verið málsvari brostinna heimila í fjárhagslegri rúst?

Hvernig á slíkur maður að geta lifað og skynjað sjálfsbjargarviðleytni og ástríðu hins hungraða manns?

Svarið er einfalt.
Hann getur ekki brunnið af sama þrótti og sá sem hefur ekkert, á ekkert og hefur enga von um björgun. Hann getur ekki skynjað ástandið og brugðist við með sama hætti og foreldrar sem ekki geta veitt börnum sínum húsaskjól hvað þá munað á borð við tómstundaiðkun.

Þennan stuttbuxna-erfðaprins úr Garðabænum hefur Sjálfstæðismafían valið til þess að tala í kringum hlutina og beina athygli fólksins frá því sem er raunverulega að gerast bak við tjöldin. Á meðan hjálpa mafíósarnir hvor öðrum sem best þeir mega að koma undan fjármunum og öðrum eignum.

Ég hafna þessari mafíu!
Ég hafna þeirra aðferðafræði!

Ég krefst réttlætis og laga í þessu landi sem vernda hagsmuni vinnandi fólks gegn glæpahundum og guðfeðrum Sjálfstæðiflokksins.

Ég mun kjósa VG í vor - skora á þig að gera það líka
xxx
Fía litla

Skilað til lögaðila

Athugasemdir

[Ragna Birgisdóttir (IP-tala skráð) 8.4.2009 kl. 22:14]

Assgodi er ég ánægð með þig

[Óskar Helgi Helgason (IP-tala skráð) 8.4.2009 kl. 22:18]

Heil og sæl; Soffía !

Þakka þér; kjarnyrta grein.

Reyndu; að sannfæra Aldísi bæjarstýru - svo mögulegt yrði; að hún léti af dekri sínu, við þennan flokks fjanda.

En; vara þig við Kommúnistunum (VG). Þeir, ásamt krötum (Samfylkingu) hyggjast húrra öllu hér, til andskotans, með öruggri leiðsögn Alþjóða gjaldeyrissjóðsins.

Með; hinum beztu kveðjum, úr vesturbænum /

Óskar Helgi Helgason

[Soffía Valdimarsdóttir, 8.4.2009 kl. 22:26]

Mér er andskotans sama hvert Bæjarstýran og aðrir Flokksmenn beina bænum sínum. Ekki breyti ég með handafli heimsku þessa fólks!

Mér er hins vegar ekki sama um kjör afkomenda minna. Ég er sannfærð um að fólki á borð við Guðfríði Lilju og Atla Gíslason er best treystandi til þess að vinna af heilinum að því að hér skapist réttlátara samfélag en verið hefur um langt skeið. Hvort þau eru kommúnistar eða ekki varðar mig andskotan ekkert um - ég hef eyru og augu á hausnum og sé hvaðan gott kemur.

[Anna Einarsdóttir, 8.4.2009 kl. 22:33]

Frábær pistill !

[Óskar Helgi Helgason (IP-tala skráð) 8.4.2009 kl. 22:38]

Sæl; á ný ! Soffía, og þið önnur, hver hennar síðu, geyma og brúka !

Satt er það.... satt er það. Þau Atli og Guðfríður Lilja eru ekki illa innrætt fólk; fjarri því, en,...... eru samt, leiðitöm flokks forystu sinni.

Slíku fólki; myndi ég aldrei treysta - hvert ei þorir, að standa fyrir sinn skjöld, sem æru alla.

Með beztu kveðjum, sem fyrr /

Óskar Helgi Helgason 

[haukur gunnarsson (IP-tala skráð) 8.4.2009 kl. 22:40]

Ekki VG allt betra enn það. Geta ekkert gert, eins og berlega er að koma í ljós þessa dagana. Og Atli og Guðfríður Lilja gátu engu svarað hvað á að gera ekki frekar en Steingrímur

[Guðrún Jónsdóttir (IP-tala skráð) 8.4.2009 kl. 23:21]

Komdu sæl Soffía, skrif þín segja alt um þig og þinn hugsunargang, en ekkert um Bjarna, formann Sjálfstæðisflokksins.

[Soffía Valdimarsdóttir, 8.4.2009 kl. 23:47]

Svakalega er ég glöð fyrir þína hönd að þú skulir hafa áttað þig á þessu Guðrún. Til hamingju!

xxx

Fía litla