Nú vorar úti og inni

Í dag er svona taka-til-í-garðinum-veður hérna hjá okkur fyrir austan fjall að minnsta kosti.

Ég hins vegar hyggst glíma við að gáta og hugsanlega betrumbæta upplýsingar um ævintýrin: Sagan af skyrpokalat, Sagan af Slægðabelg, Sagan af þúfukerlingunni, Sagan af miðþurrkumanninum og Sagan af Loðinkópi Strútssyni.
Dr. Aðalheiður Guðmundsdóttir fæst við að skrásetja öll íslensku ævintýrin í aðgengilegu kerfi til afnota fyrir síðari tíma rannsóknir á íslenskri þjóðmenningu. Við nemendur hennar erum að hjálpa til við verkið.
Þetta er svo sem ekki spennandi vinna í sjálfu sér en tilgangurinn er góður og ég hugga mig við það í vorsólinni að ég sé að gera gagn.

Ef ég hefði ekkert að gera væri ég hins vegar úti að moka eða klippa.

Svo langar mig líka svakalega að slá þessu upp í kæruleysi og bjóða bara góðum vinum í mat í kvöld.
Er ekki alveg búin að gefa það frá mér......

Annars vildi ég það helst sagt hafa með þessari vorfærslu, að mér finnst eins og nú muni kannski bráðum rofa til í þjóðar-sálartetrinu. Hnattstaðan og menninging gerir það að verkum að við erum sérstaklega þakklát og fegin vorinu í hvert skipti sem það kemur til okkar hér á Fróni. Við höfum tilhneigingu til að fyllast von og gleði á vorin.

Fréttir af Lóunni, lifnandi fasteignamarkaði og kosningum sýnast mér heldur lyfta brúnum manna heldur er hitt. Minn ektamaður sem er byggingarverktaki segist skynja það í kringum sig að heldur sé að rofa til en hitt. Það sé núna alveg síðustu daga að færast líf í ýmsar byggingar á ólíkum framkvæmdastigum í kringum þá á vinnusvæðunum þar sem þeir eru með verk.

Eníveis - er farin að grúska
Bið að heilsa Lóunni
xxx
Fía litla

Athugasemdir

[Rut Sumarliðadóttir, 4.4.2009 kl. 12:36]

Ekkert leiðinlegra en að grúska yfir skruddum þegar vorið heldur innreið sína, og lóan! Þú átt alla mína samúð.

[Soffía Valdimarsdóttir, 4.4.2009 kl. 13:15]

Þetta vill maður :) :)

[Hörður B Hjartarson, 4.4.2009 kl. 17:02]

En hvernig er það þá Fía ! Fíar þú kannski skruddurnar þá núna :(

[Anna Erla (IP-tala skráð) 4.4.2009 kl. 17:14]

furðurlegt að þú sem sögð ert vera:

geðveikur dýrahatari frá helvíti og mannviðbjóður,
hræsnari,
fífl,
smekklaus,
ófær um að eiga börn og ´mannverur´,
upptekin af eigin rassgati (nokkuð til í því !),

óþroskuð,
ófyndin,
óskýr,
illa upp alin,

...skulir vera fær um að leggja öðrum lið og hvað þá að bera vott af umhyggju fyrir náttúru og umhverfi

[Hörður B Hjartarson, 4.4.2009 kl. 19:15]

Fía ! Það er greinilegt þú átt þér aðdáendur

[Soffía Valdimarsdóttir, 4.4.2009 kl. 19:21]

Róaður þig systir góð, það er nú ekki eins og ég fái ekkert upp úr krafsinu!

Hvað þýðir að fía skruddur ?

[Hörður B Hjartarson, 5.4.2009 kl. 13:29]

 Íslenska Orðabókin segir mér ; að fía = að hata .