Að vera einhyrningur!

Mikið gaman skemmtilegt að vera alltaf eins og pylsusali á landsþingi grænmetisæta heima hjá sér!
Þannig er nefnilega að allir á heimilinu spila á hljóðfæri og hafa eyra fyrir tónanna list nema ég.

Við eigum eldgamalt Píanó með kráarsándi, nokkra gítara, 3 trommusett, tvær flautur, munnhörpu, tamborínur og hljómborð. Og allir geta spilað á þetta helv... drasl nema ég.

Svo er þetta pakk að bonda þvílíkt heilu kvöldin í eigin heimi inni í stofu eða herbergi á meðan ég sit bara eins og majonessletta frammi í sófa og prjóna - alein!

Geðveikt spennandi að vera ég.................
xxx
Fía litla

Athugasemdir

[Þórhildur Þórhallsd (IP-tala skráð) 12.2.2009 kl. 23:28]

Elsku frænka,

örvæntu eigi, það eru til hljóðfæri fyrir fólk eins og þig, og mig reyndar. Manstu ekki eftir því í gamla daga þegar maður var í metnaðarfullum tíma í sönglist og allir fengu einhver hljóðfæri til að spila á? Þá fengu fólk eins og ég og þú ákaflega fínt hljóðfæri sem fór vel í hendi og hljómlistin lék í höndum manns í orðsins fyllstu. Þetta var hið ágæta hljóðfæri þríhorn! Svo kauptu þér þríhorn og djönaðu inn!

[Soffía Valdimarsdóttir, 13.2.2009 kl. 09:37]

Já maður - takk fyrir þetta.

Heyrðu og svo voru líka til svona trépinnar mannstu?!