Andskotans viðbjóður!

Þegar ég í mesta sakleysi hratt upp útidyrahurðinni í morgun á leið í skólann í blásvartri nóttinni og kvaddi mann og annan í sömu svipan og ég reyndi að detta ekki um einhverja skóna í gangveginum og varna því að gleraugun dyttu aftur á hnakka og þaðan beina leið í gólfið, blasti við mér hálfétin mús á tröppunum beint fyrir utan dyrnar.

Anskotans helvítis viðbjóður þetta kattahald.

Ekki nóg með að þetta sé sporandi allt út hjá manni heldur er allt í hárum og ógeði. Svo kemur þetta veiðieðli í ofanálag.

Um daginn gekk ég inn í myrkvað húsið og skildi ekkert í því af hverju gólfið var hálfþakið fiðri. Þá hafði hann helvískur drepið fugl og skilið eftir á miðju stofugólfi. Og svo núna síðustu vikur hafa þrír músarassar ratað upp að dyrum, hinn helminginn étur bölvaður kötturinn.

Svo vill þetta ógeð upp í rúm til manns og sleikja á manni lappirnar!

Ef kolsvartur köttur verður á vegi ykkar í efra þorpinu þá í guðanna bænum ekki sveigja bílnum framhjá.........
xxx
Fía litla

Athugasemdir

[Heimir Eyvindarson, 12.11.2008 kl. 23:35]

Mikið skil ég þig vel!

[Hjördís Björgvinsdóttir (IP-tala skráð) 14.11.2008 kl. 20:57]

Sæl mín kæra frænka, ég vorkenni þér ekki mikið. Man ekki betur en að þú dásamaðir kattaófétið þitt í sumar og sagðir hann bæði skemmtilegan og næstum jafngáfaðan og hund. Allt annað en móðir hans sem þú hafðir þá sent til himna.

[Soffía Valdimarsdóttir, 14.11.2008 kl. 21:55]

Dísa mín ég er bara svona vond kona................