ÚlfValdi í óstuði

Þeir félagarnir Úlfar og Valdimar voru voða lítið hressir síðast þegar til þeirra heyrðist.

Þeir höfðu fyrirfram haft nokkuð fyrir því að finna alvöru köfunarskóla í Taílandi og hugðust taka þar fyrsta skrefið í köfunarréttindin. Ekki vildi þó betur til en svo að þegar á hólminn var komið fékk hvorugur að taka þátt.
Valdimar vegna blóðtappans sem hann fékk í fyrra og Úlli vegna asmans.
Frekar svona lágt á þeim risið vegna þessa.

En þá er það bara á vit næsta ævintýris - Kambódía er það held ég.

Get ekki sagt að ég sé neitt sérstaklega miður mín yfir þessu bakslagi ..............
xxx
Fía litla

Athugasemdir

[Heimir Eyvindarson, 19.9.2008 kl. 00:11]

Skil þig afskaplega vel, en það verður spennandi að sjá hvað þeir finna sér að gera í Kambódíu. Engar áhyggjur af því?

[Sólhildur Svava Ottesen (IP-tala skráð) 19.9.2008 kl. 12:44]

Það má kannski segja að saga um blóðtappa og astma sé "örlítil" frágangssök í köfun. En hvað veit ég?

Valdimar minn, baráttukveðjur ef þú lest þetta. Ég geri ráð fyrir því að þú liggir yfir bloggi móður þinnar.