Mikið vildi ég að þessi sólar-andskoti færi að taka sér smá pásu!

Þett´er satt! Ég er alveg búin að fá upp í kok af þessum bölvuðu glennulátum alla daga. Maður veit varla lengur hver maður er eða hvaðan maður kemur - sviptur öllu því sem skilgreinir tilvist manns út frá þessum stað. Hvar er rigningin sem mér þykir svo vænt um?

Sennilega þess vegna sem ég nenni ekkert að blogga. Nenni ekki einu sinni að æsa mig yfir smáatriðum sem mér koma ekkert við hvað þá heldur að segja ykkur frá öllu þessu skemmtilega sem á daga mína og minna hefur drifið í sumar. Geri það kannski seinna.

En núna vil ég bara fara að fá almennilegar haustrigningar og myrkur og úlpuveður og kertaljós og rútínu. Maður þrífst ekki í þessum andskota til lengdar.

xxx
Fía litla

Athugasemdir

[Hulda Bergrós Stefánsdóttir, 19.8.2008 kl. 12:24]

Abbababb hugsaðu allan þvottinn sem hægt er að þurrka úti, börnin sem láta ekki sjá sig nema þegar þau eru svöng, aumingjans útlendingana sem hírast í tjaldi  og rigningin kemur á fimmtudag og ég held bókstaflega að þú sért færeyingur eftir allt saman