Þetta er bara spurning um fórnarkostnað - já, og líka að taka leiðsögn!

Hafiði pælt í því að allar konur sem eru eitthvað á Íslandi eða langar að vera eitthvað á Íslandi eru pínu svona artí týpur eða í það minnsta reyna að vera það?

Kannski ekkert alveg með trtibal-tattoo á efri vörinni eða samvaxnar augabrýr neitt frekar, en þær eiga allar að minnsta kosti eitt stórt armband - og klemmueyrnalokka. Klemmueyrnalokkarnir eru ekki alveg eins mikið möst en armbandið er skyldueign.

Eins með kallana. Allir svona kallar í sviðsljósinu eiga að minnsta kosti einn kamelbrúnan rifflaðan flauelisjakka með klassísku blaser-sniði. Og líka ljósbláa skirtu - sem passar mjög vel reyndar við svona jakka, ekki síst ef gallabuxur koma líka við sögu. Ég er ekki að tala um blástakkana í fjármálageiranum. Þeir nota ljósbláu skirturnar sínar undir svört jakkaföt - eða grá ef þeir ætla að vera wild á því.

Nei þetta er meira svona: Ég-er-í-rauninni-alveg-ótrúlega-loose-gæi-inn-við-beinið-þótt-ég-sé-geðveikt-busy-og-valdamikill-einstaklingur-statement hjá kamelmönnunum.

Óli á einmitt svona jakka. Honum finnst hann bara eitthvað svo lúðalegur að hann vill aldrei fara í hann. Alveg sama hvað ég segi honum að lúðar séu æði og að Boss-gæjar séu ömurlegir - hann neitar. (Ég er samt eiginlega mest stressuð yfir kúrekaskónum sem hann á. Það verður að fara varlega með svoleiðis lagað ef maður ætlar að meika það)

Finnst ykkur þetta hægt?
Ég sem á 3 stór armbönd og eitt þjóðlegt og er nánast alltaf með að minnsta kosti eitt.
Svo á ég líka geðveikt smart tribal-hálsmen úr kýrbeini frá Ghana sem ég keypti á góðgerðavef Amnesty.
Maður verður nú að leggja sig fram, finnst ykkur það ekki?

xxx
Fía litla

Athugasemdir

[Hulda Bergrós Stefánsdóttir, 1.7.2008 kl. 20:14]

En ekki hvað?