Bölvaðar íþróttirnar!

Hann Gissur bróðir hennar Ömmu Fíu er 100 ára í dag.

Í Moggaspjalli af því tilefni segir hann að galdurinn felist í hóflegri leti og því að hann hafi aldrei stundað erfiðar íþróttir.

Hann hefur reyndar alla tíð verið mjög virkur. Hann hefur mikið stundað þýðingarstörf og fylgist vel með þjóðmálum jafnt sem heimsmálunum. Svo hjólar hann daglega á þrekhjóli sér til heilsubótar.

Þetta er sennilega málið bara. Vera latur og sleppa öllum íþróttum meira og minna. Hef reyndar alltaf sagt þetta með bölvaðar íþróttirnar. Þær eru varasamar. Ég meina hverjum dettur í hug til dæmis að fara á skíði í Bláfjöllum þegar þar er heil að-/frárein ætluð sjúkrabílum sem alls ekki má teppa. Hvers lags vitleysisgangur er það að stunda svona sprikl.

Nei ég ætla að hafa þetta eins og Gissur frændi, liggja í leti og aldrei aldrei stunda erfiðar íþróttir.

Lifið heil

zzzzzzzzz Fía litla

Athugasemdir

[Rut Sumarliðadóttir, 21.3.2009 kl. 13:05]

Ég líka, lýst vel á frænda þinn, hann deyr amk. ekki úr streitu!

[Sólhildur Svava Ottesen (IP-tala skráð) 21.3.2009 kl. 14:15]

Ég meina kommon, skjaldbökur verða 200 ára en flugur sem eru sífellt á iði lifa kannski í nokkra daga.

Þetta segir allt sem segja þarf...

[Hörður B Hjartarson, 21.3.2009 kl. 16:24]

[Brjánn Guðjónsson, 21.3.2009 kl. 22:37]

sófinn er málið

[Sólhildur Svava Ottesen (IP-tala skráð) 22.3.2009 kl. 01:48]

Eina íþróttin sem hugsanlega er nokkuð vit í er sófaglíma. Tja... hugsanlega líka fimleikar: Léttar æfingar á dýnu - Parakeppni.