Pils er ekki pils nema með einföldu sé.

Kallarnir í Grunnskólanum í Hveragerði mæta með bindi á föstudögum og hafa víst gert í allan vetur.
Frá þessu segir í Dagskránni í dag og svo því að krakkarnir séu hrifnir og hafi tekið upp á því að mæta líka með bindi - sko strákarnir. En stelpurnar eru sagðar mæta í pylsum!

Líst ekki alveg á það einhvern vegin............

Annars bara kominn fimmtudagur og ég svona líka ljómandi kát eitthvað í dag. Ekki veit ég hvað veldur en skiptir það nokkru?

xxx
Fía litla

Athugasemdir

[Þórhildur Þórhallsd (IP-tala skráð) 5.2.2009 kl. 17:35]

Haha:-) þetta er fyndin stafsetningarvilla! En ég held svei mér þá að góða skapið sé að ganga, ég finn fyrir þessu líka. Veit þó ekki afhverju, svo sem ekkert sérstakt sem er að kæta mann þessa dagana. En hvur veit nema þetta boði gott.

Bestu kveðjur!