Bara svona af því að ég veit að þið hafið svo gasalega mikið við þessar upplýsingar að gera.......

.........þá ætla ég rétt sem snöggvast að öskra hérna smá upplýsingar um stöðu mála í turnherberginu.

Er nefnilega í þessum töluðu orðum að ljúga saman síðustu ritgerð annarinnar. Hún á að hafa eitthvað með norræna trú að gera. Okey faire enough eins og konan sagði.

En þar sem mér er gjörsamlega þrotinn allur móður og þessi ritgerð á að vera heldur styttri en ég er vön þá er ég í miklum vanda. Það er ekki svo ýkja mikið mál að ljúga sig út úr 15-20 síðna skrifum. Þá getur maður sagt það í löngu máli sem maður hefur ekki greind eða getu til að sjóða niður í tvær til þrjár málsgreinar.

Það er bara tvennt í stöðunni núna:
Annað er að vera lágstemmdur og einlægur (lesist: láta það sjást í textanum að maður veit ekkert um hvað maður er að þvaðra)
Hitt er að slá um sig með sniðugheitum og kjafthætti (lesist: þetta er aðeins of cheap umræðuefni fyrir mig af því að ég er svo gríðarlega merkileg manneskja og hef þess vegna möguleika á einhverju meira spennandi að gera í kvöld en að röfla um þetta norrænu-trúar-kjaftæði)

Hvort ætli sé vænlegra til árangurs?
xxx
Fía litla

Athugasemdir

[Heimir Eyvindarson, 3.12.2008 kl. 23:33]

Ef ég má miðla þér af minni reynslu, sem er reyndar ekkert voðalega mikil, þá mæli ég eindregið með seinni kostinum. Sú aðferð hefur gefist mörgum sem ég þekki afar vel - og mér stundum líka. Væntanlega þér líka

[Soffía Valdimarsdóttir, 4.12.2008 kl. 00:36]

Ætli það verði ekki ofaná hvort heldur ég ætla það eða ekki.

Ég er helvíti hrædd um það.