Draumaráðningu takk!

Mig dreymdi stuttan og mjög svo skýran draum í nótt.

Þannig var að ég var aftur í bílnum mínum og eignmaðurinn sat við stýrið. Bíllinn var kyrrstæður og allt einu varð ég vör við eitthvað í sætinu við hliðina á mér. Það reyndist vera koksgrá mús. Ég opnaði hurðina til að henda henni út en sá þá hvar ein stór mús eða rotta beið færis utan við bílhurðina. Utan á henni eða í feldinum einhvern vegin voru 3 mýs. Lokaðu hurðinni! kallaði Óli sem ég og gerði og við keyrðum hratt í burtu.

Ekki reyna að segja mér að þið trúið ekki á drauma og reynið ekki stundum fyrir ykkur í draumaráðningum. Nýleg stór íslensk þjóðfræðirannsókn sýndi svo ekki verður um villst að slík trú lifir góðu lífi í landinu.

Þannig að, hvað þýðir svona draumur???
xxx
Fía litla

Athugasemdir

[Sædís (IP-tala skráð) 26.8.2008 kl. 13:01]

Margar mýs boða samkvæmi með lítilfjörlegu fólki. Að vera bitinn af mús er fyrir illu umtali. Oft eru mýs fyrir góðu.

tók þetta af www.draumur.is

[Soffía Valdimarsdóttir, 26.8.2008 kl. 13:58]

Samkvæmi með lítilfjörlegu fólki! Nei nei nei, allt fólk sem ég þekki er mikilúðlegt - sannkölluð stórmenni. Þannig að þetta hlýtur að vera fyrir góðu!!!

[Þórður Þórðarson, 27.8.2008 kl. 13:34]

Hindurvitni, ekkert annað. Aðeins Guð getur leitt þig á rétta leið.

[Soffía Valdimarsdóttir, 27.8.2008 kl. 14:05]

Ja men Gud, han er jo en sjov fyr!

Spurning um að taka sig ekki of hátíðlega góurinn og halda upp á gamlar og skemmtilegar hefðir. Þú ræður þínu, ég mínu..........