Leita í fréttum mbl.is

Ó æ mig auma.....

......nú er mér allri lokið!

Áður en ég sest við alvöru skriftir á þessum milda degi sem lúrir utan í húsunum í dag ætla ég að skrifta svolítið og biðja þig um að hjálpa mér ef þú getur.

Þannig er mál með vexti að í vinnunni í gær sagði ég (alveg óvart að sjálfsögðu en samt eitthvað svo skelfilega eðlilega) ljótasta orðskrípi allra tíma - KLÁRLEGA. Sko þetta gerðis þannig að það var einhver safngestur að spyrja mig um allt mögulegt sem ég veit auðvitað ekkert um í alvörunni. Þessar spurningar snerust um myndlist almennt og svo verkin sem hanga á veggjunum hjá mér núna. Og ég svara bara sisona eins og ekkert sé eðlilegra: Jú það verða KLÁRLEGA þáttaskil um þetta leyti!!!

Þetta er í annað skipti sem ég segi þetta helvíti bara núna eftir áramót!!!!!!!!!!!!!!!!

Í öllum bænum ef þú heyrir mig segja þetta einhvers staðar þá sláðu mig þéttingsfast á kjammann með krepptum hnefa og ég skal mæta þér á miðri leið og bjóða hinn aldrei slíku vant. Ef þetta dugir ekki þá endilega láttu það eftir þér að snúa mig niður og sparka þessu andskotans ógeði út úr hausnum á mér í eitt skipti fyrir öll.

Nú ef ekkert dugir eða barsmíðarnar verða þess valdandi að ég yfirgef þetta jarðlíf þá vinsamlegast hafið samband við eiginmann minn og sálufélaga vegna útfararfyrirkomulagsins alls nema þó að undanskildum klæðnaðinum. Í þeim efnum ber að snúa sér til Huldu Bergrósar Stefánsdóttur sem rennur þá væntanlega blóðið til skyldunnar. Svo er ég viss um að mamma og Anna baka eitthvað gott handa ykkur þannig að þetta ætti allt að geta orðið hið huggulegasta.

Lifið heil og takk fyrir samfylgdina - mér er KLÁRLEGA ekki viðbjargandi.......
xxx
Fía litla


« Síðasta færsla | Næsta færsla »

Athugasemdir

1 Smámynd: Soffía Valdimarsdóttir

Aðallega ómennska held ég bara.

En jú jú ég vinn í Listasafni Árnesinga í Hveragerði.

Er reyndar að fara í frí en verð eitthvað framan af næstu viku.

Soffía Valdimarsdóttir, 9.7.2008 kl. 17:15

2 Smámynd: Hulda Bergrós Stefánsdóttir

Þú ert KLÁRLEGA á grafarbakkanum, með öllum hinum bykkjunum (sko örugglega í svarta kjólnum)

Hulda Bergrós Stefánsdóttir, 9.7.2008 kl. 21:44

3 Smámynd: Heimir Eyvindarson

Klárlega er klárlega ágætis orð. Ég nota þetta oft, hef reyndar ekki gert það oft á þessu ári - mér vitanlega - enda meðvitað að reyna að hætta því. En það eru til mörg verri orð. T.d. Evróvisjón.

Heimir Eyvindarson, 11.7.2008 kl. 11:39

4 Smámynd: Soffía Valdimarsdóttir

Nei ég er áreiðanlega, augljóslega, vafalitið, vafalaust, án nokkurs vafa og GREINILEGA ekki neitt á grafarbakkanum fyrst ég hef tíma til að velta mér upp úr þessu. Og nei, það er ljóst að KLÁRLEGA er ekki ágætis orð. Ekki gera mig alveg brjálaða akkúrat núna þegar ég má ekki vera að neinu öðru en að vera fullkomlega rökföst, yfirveguð og vinnusöm - væri ykkur sama!

Soffía Valdimarsdóttir, 11.7.2008 kl. 13:27

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Soffía Valdimarsdóttir
Soffía Valdimarsdóttir
Bara ég sjálf hvort sem ykkur líkar það betur eða verr!
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring: 1
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband