Má maður segja vangefinn?

Dáltið pirrandi þegar veröldin breytist án þess að láta mann vita!

Til dæmis orð, eða hvað þau þýða og hvort það má nota þau og fleira svona smálegt. Eitt þannig orð er til dæmis vangefinn. Ég man að þegar ég var stelpa þá var vangefinn ekki ljótt orð. Selma systir besta vinar Jóns Odds og Jóns Bjarna var held ég vangefin - eða var hún þroskaheft kannski? En ókei þið vitið hvað ég meina.

Svo núna þá bara er vangefinn rosa ljótt orð og allt vitlaust ef einhver segir það einhvers staðar. Það á að vera niðrandi af því að það þýði það sama og að einhverjum sé minna gefið en öðrum og það má alls ekki af þvi að allir eiga að vera jafnir og jari jari ja. - Einmitt!

Þá skil ég þetta sem svo að sá sem maður segir að sé vangefinn sé kannski VANHÆFUR af því að viðkomandi hefur ekki hlotið sömu vöggugjafir og aðrir.

Ókei! Allt í lagi!
En hvað ef að ég myndi segja opinberlega að Dagfinnur Matthiesen væri vangefinn frjármálaráðherra en alveg örugglega súperflottur fiskasjúkdóma-sérfræðings-læknir?

Yrði þá allt brjálað eða?

Ég meina ég myndi pottétt fara með Gulla til Dagfinns ef hann færi að fljóta ofan á vatninu í búrinu sínu eða eitthvað. En ég myndi kannski ekki fara fyrst til hans ef ég ætti land sem væri á kúbunni og skuldaði geðveikt mikið í útlöndum og það væri bara allt í fokki heima hjá mér.

Athugasemdir

[Heimir Eyvindarson, 29.4.2008 kl. 14:51]

Góð pæling með Mathiesen, sem er líklega misþroska samkvæmt fræðum dagsins í dag - semsagt góður dýralæknir (vona ég allavega) en vondur pólitíkus.

Það má líka geta þess að það má segja mótþrjóaþrjóskuröskun.....ekki það að það komi málinu mikið við .

[Soffía Valdimarsdóttir, 29.4.2008 kl. 22:49]

mótþróþróþróþrólkooiugihjkjghgi KRAP! Er þetta útlenska?